Jmé xi bakóyaná josʼin kisijchá yaole Samuel

Je Samuel kixi kitʼale Jeobá jokji tse tsakʼejna. Kʼianga sʼa ʼndí kji, alikui je Hofní kao Finehás kiskenngile, xi xtile koanni Elí, chjota jebi nʼio chʼao kisʼin (1Sa 2:22-26). Jé Jeobá tsakasenkao Samuel saʼnda nga tosʼa koanjchínga (1Sa 3:19). Kʼoa kʼianga jechjotajchínga tosi tonda kisitjosonle Jeobá ningalani tsín kʼoakisʼin je xtile (1Sa 8:1-5).

Jmé xi bakóyaná je choa̱le Samuel. Kui bakóyale xi sʼa xti nga je Jeobá majinle je kjoa xi faʼatojin kʼoa josatío kon. Jé Jeobá koasenkao nga nʼiojin koa̱n (Is 41:10, 13). Nʼio koasenkaono je choa̱le Samuel xi xijchá mao kʼiatsa jekisikjinle Jeobá je xtino, nga̱ tsín kjoanʼio tsakʼénele je xtile Samuel nga katasítjoson je kjoatéxomale Niná. Tosaa je Jeobá kisinʼiotʼa nga je kʼoendajin je kjoa kʼoa tosi tonda kixi koan kʼoa kui kʼoakisʼin jmeni xi tsjoa tsakʼé kon je Jeobá. Tsakui nichxin skanni koa̱nmele je xtino nga je Jeobá sixá ijngokʼale nga skoe̱ nga nda choa̱ tibatio.

KʼIANGA JECHÓTSENLAI JE VIDEO KUENTA SʼIAAN JOKISʼIN: SAMUEL, CHÓTʼAYAJIN KJOACHJONANGI JEBI:

• 

  Jósʼin tsakakó Samuel nga nʼiojin koan nga sʼa ʼndí kji.

• 

  Jósʼin tsakakó Danny nga nʼiojin koan.

• 

  Jmé choa̱ xi tsakʼéjna je Samuel kʼianga jekoanjchínga.

• 

  Jmé choa̱ xi nʼio nda tsakatío je xijchále Danny.