Koaan precursor sʼin si̱xái

Kʼianga bʼendajiaan josʼin koa̱n si̱xálee Niná ngisaa nda nichjén je nichxinná kao nganʼioná nga kjesa fetʼajin jme xi chon sonʼnde (1Co 9:26; Ef 5:15, 16). Kʼianga chotʼayajtíon ya yaniʼya, koaan kʼia cho̱bayaño josʼin koa̱n si̱xálao Niná je nó xi nroa. Je Xo̱n xi tjítʼa jme xi chotʼayá xi tsʼe sá jebi nkjín koya kjoafaʼaitsjen faʼaitʼa xi koasenkaono josʼin koa̱n si̱xálao Niná. Títjonkjoanla tʼetsʼoao kʼoa xijekoa̱n kʼia chjoéjion jmeni xi sʼiaon (Snt 1:5).

Nga jngo familia maño koaan kʼoainganʼiolao xíngio ninga tojngo koa̱n xi precursor regular sʼin sixá. Kʼoa tsa tsín bele tokuin nga kuichotjenngi jotjín hora tjínnele kʼuínyasuin, chja̱kaonajmí kʼai precursor xi kʼoatisʼin tjío josʼin tijnai (Pr 15:22). Kʼianga chotʼayajtíon koaan chjónangilao jngo xi precursor sʼin tísíxá jósʼin bʼéndajin nga bichótjenngi horale kʼoa tʼetʼaxon kʼiani kʼoa jochon koa̱n kʼuínyason. Kʼoa tsa saje precursor sʼin kinixái, koaan si̱kjaʼaitsjain tsa koa̱n nga kʼoasʼin si̱xá ijngokʼai.

Nga jngo familia maño, a koaan tsa ʼyani xi precursor auxiliar sʼin sixá tsa jngo sá kʼoa tsa nkjínsa sá. Tsa tsín nanda chókjoali, koaan ninga tongotjo kʼuínyasuin nga nyaon nyaon. Kʼoa tsa tsín maʼali nga jinle xomana nga nixái kʼoa tsa skuela titomjai, tsakui nichxin koa̱n kʼia precursor sʼin si̱xái nga sʼeli vacación kʼoa tsa kʼiaje̱ nga aon xoto kʼoa aon taingo tjínle je sá. Jngo calendario tʼetʼai je sá xi meli nga precursor auxiliar sʼin si̱xái kʼoa tʼetʼaxuin jme nichxinni kʼoa jochon kʼuínyasuin (Pr 21:5).

KʼIANGA JECHÓTSENLAI JE VIDEO NʼIOJIN KATAMAO XI PRECURSOR SʼIN TINIXÁO, CHÓTʼAYAJIN KJOACHJONANGI JEBI:

• Jósʼin kisikuinda Jeobá je tichjaa Aamand kʼoa jmé xi bakóyaná.