Ñaki kʼoatjío kon nga tsakʼénda je yo̱ngo̱

Je Salomón kui tsojmi xi ngisasa nda kisichjén nga tsakʼénda yo̱ngo̱ (1Re 5:6, 17; w11-S 1/2 15 párr. 5).

Nkjín chjota kitsjoanganʼio nga kisixá (1Re 5:13-16; it-1-S 451; it-2-S 1097 párr. 4).

Je Salomón kao naxinandá ñato nó nga nʼio kisixá kʼianga koanjngole je yo̱ngo̱ (1Re 6:38; chótsenlai sén xi faʼaitʼa ya portada).

Je Salomón kao naxinandá naskánakji yo̱ngo̱ tsakʼéndale Jeobá nga̱ ñaki kʼoatjío kon nga kʼoakisʼin. Tonga je chjota xi tsakatio nga koanskanni alikui tikao kjoatsjoa tsabexkónni Jeobá. Tokitsjionkon je yo̱ngo̱ kʼoa nga jeki nichxin kinixoyaa.

Jngojtín mani ndsʼee xi ya tjíosítsje ya Ndʼia jña chotʼayá. Ya jto̱nni tjínkʼa xi tao̱n tjíosíkatíoya je kaxa̱ xi ya tíjna, tjínkʼa xi tjíofáonajmí kʼoa xi xo̱n tjíobinyánda.

TIKJAʼAITSJENJIN JEBI: “Jméni xi tisʼian nga tosi tonda tsjoa sʼe̱ tokoan nga tisixále Jeobá”.