ÉN XI NʼIO CHJÍLE XI NYA BIBLIA

Nda chjoéjin ʼya xi kuixankoai

Nʼio chʼao kisʼin Salomón nga je chixankao yánchjín xi niná ndiso tsakʼétsʼoale (1Re 11:1, 2; w18.07 18 párr. 7).

Jé yánchjínle xokisʼin nga chan kjaʼaí niná tsakʼétsʼoale Salomón (1Re 11:3-6; w19.01 15 párr. 6).

Koanjtile Jeobá xi kao Salomón (1Re 11:9, 10; w18.07 19 párr. 9).

Sén xi faʼaitʼa: Jngo tichjaa xi sʼa tíjnatoje xi Biblia tíbʼéxkia kʼoa jngo ndsʼee xi tíjnatoje tísíkjaʼaitsjen. 1. Je ndsʼee títsjoá comentariole nga tísʼejna kjoajtín. 2. Je ndsʼee yaa títsoyason jñani satío je xi ma xinyáya xo̱n xi Énle Niná faʼaitʼa. 3. Je ndsʼee yaa títsjoánganʼio nga kjimasinle je Ndʼia jña chotʼayá.

Je Énle Niná kʼoatsole xi tjíotoje nga je katabixankao xi ngóson sʼin makjainná (1Co 7:39). Tonga alikui kui xi tsonile nga to jendasʼin jngo chjoón jngo xʼin tokuini nga jekisʼenngindá. Tikjaʼaitsjenjin jebi: “A koasenkaona nga nda sixále Jeobá. A jekjoatse tíbakó nga tsjoake kjoaixi je Jeobá”. Nga kjesa bʼenʼiojin kjoa, títjonkjoanla nda kataʼyaxkuin je xi meli kuixankoai.