JONʼIA XI CHJOTALE CRISTO MAA
Tongini kuiyondaa josʼiaan kʼiatsa toxijña tjóchʼinná kʼoa tsʼe chjinexki kjuian
Ánni kuiyondasíñá. Tsa toxijña tjóchʼinná kʼoa tsa tokjitʼanangi hospital si̱kasénná, machjén nga tongini si̱kjaʼaitsjeen josʼiaan kʼoa tongini kuiyondaa ánni nga kʼoasʼin koa̱nxkininá josʼin mená. Kʼoasʼin koakoñá nga chjí ʼyaa je kjoabijnachon kʼoa nga nitjosoán jotso kjoatéxomale Jeobá xi tʼatsʼe njín (Hch 15:28, 29).
Jósʼiaan nga tongini kuiyondaa
Kʼianga jekabʼetsʼoai kʼoa jekanikjaʼaitsjenjin jmeni xi sʼiain, tʼendai je tarjeta jñani faʼaitʼa josʼin koa̱nxki̱li (DPA).a Je ndsʼee xi jekisʼenngindá koaan sijéle tarjeta jebi je ndsʼee xi bʼakaole tsjoá ya jinjtín je xo̱n xi Énle Niná yʼangini, kʼoa je xi xijchá ma koaan sijéle je Tarjeta de identidad (ic) xi tsjoále xtiʼndíle.
Je tichjaa xi ʼndí tjínle, koaan sijéle xi chjotajchínga sʼin tjío je xo̱n Información para mujeres embarazadas (S-401), xi koasenkao nga nda skoéjin josʼin koa̱nxkile kʼianga sʼa yʼa ʼndí kʼoa nga jejtsín ʼndíle.
Kʼiatsa bele tokuin nga kʼoakuitsoli je chjinexki nga njín koa̱nchjénli kʼoa tsa hospital kʼuínsojnai, tongini tjajinkuin je xi chjotajchínga sʼin tjío kʼoa kʼoatʼinlai je chjinexki nga koa̱n jngo testigole Jeobá kuichosíxatʼali.
Jósʼin tsjoánganʼio xi chjotajchínga sʼin tjío. Koaan koasenkaoli josʼin kʼoétʼai jmeni xi síjé je xo̱n DPA, tonga alikui je kʼoakuitso josʼin tjínnele koa̱nxkili, kʼoa tsín je kʼoakuitso jmeni xi toji tjínnele chjoéjin josʼiain (Ro 14:12; Gál 6:5). Kʼianga jekjoájinkuin xi chjotajchínga sʼin tjío ya jtín jñani ʼmi nga kʼoakuitsoli je chjinexki nga njín koa̱nchjénli, je ndsʼee jebi tokjoan kuinchjale je Comité de Enlace con los Hospitales.
Jósʼin koa̱n tsjoánganʼio je Comité de Enlace con los Hospitales. Je ndsʼee xi ya tjíojin comité jebi ʼmiyale josʼin fákaonajmí je chjinexki kʼoa binyakaoná ngixko̱n kjoatéxoma nga tsoya anni nga tsín njín binyañá. Koaan kjoakaonajmí je chjinexki xi sisinli josʼin koa̱n koa̱nxkili nga tsín njín xi̱nyáli. Kʼoati koa̱n koasenkaoli nga koasjai chjinexki xi tsín njín síchjén nga bateya chjota.
KʼIANGA JECHÓTSENLAI JE VIDEO JMÉNI XI KOASENKAOLI NGA NDA CHJOÉJIN JMENI XI SʼIAIN KʼIATSA KʼOAKUITSOLI JE CHJINEXKI NGA NJÍN XINYÁLI, CHÓTʼAYAJIN KJOACHJONANGI JEBI:
Jmé xi koasenkaoli nga tongini kuijnandai tsa kʼoakuitsoli je chjinexki nga njín xi̱nyáli.
a Je libro Koaan nda kuiyoaa, ya kjoaʼmiya 39 tsjoá kjoafaʼaitsjen xi koasenkaoli nga nda chjoéjin jmeni xi sʼiain tsa kʼoakuitsoli chjinexki nga njín xi̱nyáli.