JONʼIA XI CHJOTALE CRISTO MAA
Kataʼyai josʼin síkjaʼaitsjen Jeobá
Machjén nga kui kʼoasʼiaan jmeni xi sasénle Jeobá ninga sakʼoa tsínkjoan jngo kjoatéxoma xi kʼoatsokixi jmeni xi sʼiaan nga̱ kui xi mená nga tsjoa sʼe̱ kon je Jeobá (Pr 27:11). Jméni xi koasenkaoná nga kʼoasʼiaan.
Nyaon nyaon chótʼayá Biblia. Kʼianga bʼexkiaa Biblia, joxi jéni Jeobá xi fákaonajmíná. Xi koasenkaoná nga ngisa nda jchaa josʼin síkjaʼaitsjen Jeobá kʼiaa nga kuenta sʼiaan jokisikao naxinandále nichxin kjoatse, kʼoa si̱kjaʼaitsjenjiaan je choa̱ xi tsakatío choʼndale jñani nda kisʼin kʼoa chʼao kisʼin. Kʼianga jme xi sʼiaan jé nganʼiotsjele Jeobá koasenkaoná nga kjoaʼaítsjenná jmeni xi tso je Énle (Jn 14:26).
Kjoásjaiyaa. Kʼianga kjesa chjoéjinjián jmeni xi mená sʼiaan, si̱kjaʼaitsjenjiaan jebi: “Jñánile choa̱ xi faʼaitʼa Biblia kʼoa tsa texto xi koasenkaona nga koa̱njinna josʼin síkjaʼaitsjen Jeobá xi tʼatsʼe jebi”. Si̱jélee Jeobá nganʼio kʼoa si̱chjén je xo̱n xi kjioná nga énná nga kjoásjaiyaa kʼoa kjuintjenngiaa je kjoafaʼaitsjen xi tsjoá (Sl 25:4).
KʼIANGA JECHÓTSENLAI JE VIDEO MACHJÉN NGA KAO KJOAKA TÓKAA: KUI TSOJMI XI NDA CHI̱NEE, CHÓTʼAYAJIN KJOACHJONANGI JEBI:
Jmé kjoa xi jaʼatojin je tsoti xi bakó video.
Jósʼin koasenkaoná xi síkasénná naxinandále Niná tsakui kjoa bitjatojiaan joni tsoti xi bakó video.
Jósʼin basenkaoná nga nikʼayaa nichxin nga chotʼayá kʼoa fasjaiyaa nga kjesa chjoéjinjián jmeni xi sʼiaan (Heb 5:13, 14).