Jngo perla xi nʼio chjíle koansjaile

Je Jesús kʼoakitso nga to je Chjotaxále Niná xi koa̱nle kʼoendajin kjoa xi tjín Sonʼnde (Mateo 6:10). Ya Mateo 13:44-46 jao choa̱ faʼaitʼa xi kui tsoya jokji chjíle nga ʼyaa xi tʼatsʼe Chjotaxále Niná:

• Jngo chjota xi ya tísíxájin nangile jngo tsojmichjí masjaile.

• Jngo chjota xi perla batseya, jngo perla masjaile xi nʼio chjí.

Nga jao chjota jebi tsakaténa ngayeje jme xi tjínle tojoni nga kuinje̱le je tsojmichjí xi kisokole. Tjínkʼa chjota xi ya mangóson je chjota xi kinchja̱ni Jesús. Nʼio chjí be xi tʼatsʼe Chjotaxále Niná ninga tse kjoama̱ bʼéngi. Nga kʼoasʼín tse kjoanichikontʼain sokóle (Lucas 18:29, 30). Video jebi kui tsoya xi tʼatsʼe jao chjota xi kʼoakisʼin jokisʼin je chjota xi kinchja̱ni je Jesús.