Cháon xi jaʼa ya Turquía kao Siria | Jótso je Biblia

XI SʼA CHJOTSE: 10 febrero nó 2023

Nga xipe 9 sá febrero nó 2023 je chjota xi kʼien nga jaʼa cháon nichxin lune jetsʼato 20,000 mani. Nkjín jmi chjota xi kitsiʼaon kʼoa siento jmi mani je xi kixoya ndʼiale.

Je xi jao Comité de Socorro xi tsʼe testigole Jeobá tosi tonda tjíobinyakao je xi chjota tjíobásjai (Gálatas 6:10). Je xi tjío sucursal xi tsʼe testigole Jeobá xi ya tíjna naxinandá jña jaʼa je cháon tiʼa kichoni kʼoa tjíotsjoánganʼiole kʼoa tjíosínʼio kon je xi kjoaxkón kichone (1 Pedro 5:2). Josʼin nga tíbʼainganʼio yaa kjoaʼaítʼa jñani noticia tso.

Je Biblia kʼoatso nga je “Jeobáa chrian tíjnale je xi nʼio aon tjío ni̱ma̱le; bʼasjentjai xi jekisikinroajen kon” (Salmo 34:18). Koasenkaoli jmeni xi tso Biblia kʼoa yaa kitjoénile jmeni xi faʼaitʼa i̱bi:

Je video Nʼio aon sʼe tokoán nga jngo xíngiaa nichaa basenkaoná tsa xíngiaa kinichaa.
Jñani tso “Ayude a sus hijos a asimilar las noticias tan impactantes de los medios” koasenkao je ʼndíxti nga tsín nʼio sikjáojin kʼianga kjoa sʼe.

Nʼio jaʼa cháon ya Turquía kao Siria nga lune 6 sá febrero nó 2023.

“Ndʼai nga lune, je cháon xi kafaʼa ya Turquía kao Siria tsʼato 3,700 chjota kasíkʼien. Nga nʼio nyʼán kjima nʼio ñʼai kjimale je chjota xi kitsiʼaon kʼoa xi kixoya ndʼiale. Kʼoa kʼoati ñʼai kjimale je chjota xi kui xá tjíosʼín nga tjíobásjai je chjota xi ndʼia kixojenne” (Reuters, 6 sá febrero nó 2023).

Nʼio ba sʼe tokoán nga sʼejinná nga kʼoasʼin kjoa faʼatojin je chjota. Jmeni xi koa̱n sʼiaan nga kʼoasʼin kjoa bitjatojiaan kuinga je Jeobá si̱nʼiotʼaa, je “Niná xi tsʼe ngayije kjoanijetakon” (2 Corintios 1:3). Je basenkaoná nga sʼená “kjoachoyakaokjoa [...] kao kjoanijetakon xi tjínle xo̱n Escrituras” (Romanos 15:4).

Kui jebi xi tsoyaná Biblia:

Kʼoatso nga cháon kjoaʼa.
Sínʼio tokoán kʼoa tsjoáná kjoachoya.
Kʼoatso jmeni xi sʼin je Niná nga kjoaʼaxin kjoachjaʼatokon.

Tsa meli jchai jmeni xi tso je Biblia tʼatsʼe jebi, tʼexkiai jñani tso:

“Grandes terremotos: ¿qué fue lo que predijo la Biblia?”.
“¿Dónde hallar esperanza?”.
“Je Niná jeme kjoaʼaxin je kjoañʼai xi tjín”.

a Jeobá ʼmi je jaʼaínle Niná (Salmo 83:18).