A bexkón je testigole Jeobá xi kjaʼaí relijión

Xi testigole Jeobá maijin kui mangíntjenngijin jotso testo jebi: “Jchaxkón ngatsʼi [chjota]” (1 Pedro 2:17). ʼYaxkónníjin ngatsʼi chjota ninga tojme relijión tjíojin. Ningalani tjín naxinandá jñani nʼio nkjín mani je testigole Jeobá, alikui kui fasjaijin tsa je chjota polítiko kʼoa tsa je chjotaxá koatechjoale je xi kjaʼaí relijión. Kʼoa ali tsa campañajin batiuijin nga tsainjin kjoatéxoma katabitjo xi sikitjoson chjota. ʼYaxkónníjin je chjota kʼoa bʼailaijin kjoanda je xi kʼoatisʼin bexkónnajin (Mateo 7:12).