Nota xi faʼaitʼa

a Lucas 16:1-9: “Kʼoati Jesús kitsole chjotale: Jngo chjotanyiná tjínle jngo choʼnda xi tíjnaʼndale tsojmile, kʼoa jebi kisʼengi ngixko̱n naile nga tsojmile tísíkje kjoatjao. Naibe kinchjale: Jméni jebi xi tinrʼoelebi. Tʼai kuinda xi tʼatsʼe tsojmi xi kinikʼéjnaʼndali, nga̱ likui tikoa̱n kuijnaʼndani. Kʼia je choʼndabe tijé kitso nga tijeni: Jmé xi sʼian. Je naina tífaʼáxinna xábi. A kjuí kaʼnginía, tonga tsínna nganʼio. Tsa tsojmi sijékjoatjoa, kjoasoa tjínna. An xi ʼbenia jo sʼian jméni nga chjota tsjoáʼndesínina ya ndʼiale, kʼia nga tjóxinna xá jebi. Kʼia kinchjale nga jngójngó xi kitje̱nle tsʼe naile, kitsole xi títjon: Jó tjín kitje̱nli tsʼe naina. Je kitso: Jngo siento lata siti̱. Kʼoa kitsole: Chjoai xo̱n xi tjítʼali, kʼoa kjitʼanangi tijnai, kʼoa ñachante chjí. Kʼia kitsole xi ngijngo: Kʼoa ji, jó tjín kitje̱nli. Je kitso: Jngo siento kinda xi trigo: Kʼoa je kitsole: Chjoai xo̱n xi tjítʼali, kʼoa chjí ñokan kinda. Je naile tsakʼasjenda je choʼndatsʼenbe xi tíjnaʼnda tsojmibe, nga̱ kʼoakisʼin nga xʼinkjoa. Nga̱ je chjota xi síxákao kjoasonʼnde ndʼaibi nga kui nichxinbi, ngisa nʼio chjine ma tʼatsʼe kjoama̱le kaoni tsa chjota xi tsʼe lʼí. An kʼoaxinno: Miyo tʼiaon xi tʼatsʼe kjoanyiná xi chʼao tjín. Kʼoasʼin tsjoáʼndeno ya jña si̱kjáyao ngantsjai nichxin kʼia nga cha̱ kjoanyináno”.