Nota xi faʼaitʼa

a 1 Reyes 17:17-24: “Kʼoa xijekoan, je ʼndíle chjoón xi tsʼe ndʼia kisokochʼinle, kʼoa nʼio táo koan chʼinle kʼoa kʼien. Kʼoa chjoón kitsole Elías: Ánni nga kʼoatinikaosíninái, chjotale Niná xi kixi. Kuila xá jaʼaini nga katafaʼaitsjen je jéena kʼoa nga ʼndína si̱kʼain. Tonga je Elías kitsole: Tʼainái ʼndíli. Kʼoa kiskoeya ntsja chjoón kʼoa ya kikao ya sonngʼa jñani bʼejnani kʼoa ya kisikájnason nachanle. Kʼoa tsakʼétsʼoale Jeobá kʼoa kitsole: Ji Jeobá Ninána, a kʼoati kjoañʼai kjoaʼaikaonelai je chjoónkʼan xi i̱ tijnakaoña nga kʼoasʼin kjoabiya kabʼailai je ʼndíle. Kʼoa jan kʼa kitsoakjá je tiʼndí kʼoa nʼio kinchja̱le Jeobá nga kitsole: Ji, Jeobá Ninána, tʼiain kjoanda, katabʼejnakon ijngokʼani je tiʼndí. Je Jeobá chan kinrʼoé je énle Elías, kʼoa je tiʼndí jaʼáyanile kʼoa tsakʼejnakon ijngokʼani. Je Elías kiskoé je tiʼndí kʼoa kijenkao saʼnda yandʼia, kʼoa kitsjoale je na̱le; kʼoa kitso Elías: Koeni, tíjnakon je ʼndíli. Kʼoa je chjoón kitsole Elías: Sʼani ʼbe kjoaixia nga ñaki chjotale Niná mai, kʼoa nga ñaki kjoaixi je énle Jeobá xi nokjoai”.