Nota xi faʼaitʼa

b Apocalipsis 7:9-14: “Koanskanni kjoa jebi kiskotsen. Koeni jo nkjín mani chjota, jñale xi tsín maxki̱le, xi tsʼe ngatsʼi ʼnde, kao ntje̱, kao naxinandá, kao én. Tjío ngixko̱n je yáxilebe, kʼoa ya ngixko̱n je Barré. Najñochxoa yʼakjá, kʼoa xka̱jén nya yantsja. 10 Nʼio kiskiʼndíakao tso: Kjoabitjontjai tjínle je Nináná, xi ya tíjnane je yáxilebe, kʼoa je Barré. 11 Ngatsʼi ánkje ya tjío ndaile je yáxilebe, kʼoa je chjotajchínga, kʼoa je xi ño ma xi tjíokon. Tsakjayoniale nkjaín ngixko̱n yáxilebe, kʼoa tsabexkón Niná. 12 Kitso: Kʼoa katama. Nináná katasʼele kjoanichikontʼain, kao kjoajeya, kao kjoaʼisentakon, kao jñale kjoanda xi bʼaile, kao kjoangʼa, kao kjoatéxoma, kao nganʼio ngantsjai nichxin. Kʼoa katama. 13 Kinchja jngo chjotajchínga, kitsona: Je xi i̱ tjíobi, xi yʼakjá najñochxoa, ʼyáni xokjoanbe, jñáni kanroani. 14 Kʼoa an kixinle: Señor, ji ʼyai. Kʼoa je kitsona: Jébi xi nʼio tse kjoañʼai tsakjaʼá, kʼoa jetsakanéjon najñole, kʼoa je kisichxoa kao je njínle je Barré”.