Nota xi faʼaitʼa

d Lucas 18:1-8: “Jesús kitsole jngo kjoaxkóson josʼin machjén nga kʼoétsʼoantsje, kʼoa likui koa̱n nga si̱kijtaa. ² Kitso: Ya jngo naxinandá tjín jngo xkale xi tsín tsa tsakjónle Niná, nitsabexkónjin chjota. ³ Kʼoati ya naxinandábe tjín jngo chjoón xi kʼen xʼinle, kʼoa xi nkjín kʼa jaʼainrʼoe xkalebe, kitso: Tisenkaonái, chʼa̱sjentjainái tʼatsʼe kontrana. ⁴ Tonga jngojao nichxin koankaile, likui kisisinle. Xi koanskanni kitsole yaole: Nda tsa likui tsakjonle Niná, niʼbexkónjian chjota, ⁵ kui nga je chjoónkʼanbe tísíjtina, kʼoasjentjaile, jméni nga tsín tsa tikjoaʼaí kinyásinina. ⁶ Kitso je Nainá: Tinóʼyalao jo tso xkaletsʼen xi tsínle kjoakixi. ⁷ Kʼoa Niná a tsí kʼoendajinle xi tsʼe chjota xi tsakjaʼájin xi nʼio nchja̱le nichxin kao nitje̱n, a tsínle kjoatsejta xi tʼatsʼe. ⁸ Kʼoaxinno nga nʼio xítí kʼoendajinle. Tonga kʼia nga je ʼndíle chjota kjoaʼaí, a koa̱nsjaile chjota xi koa̱nkjainle i̱ sonʼnde”.