Nota xi faʼaitʼa

d Lucas 24:​18-27 (TNM): “Je xi Cleofas ʼmi, i kitsole: A tsí Jerusalén tsi, a kuinga tsín tjínjinnili jmeni xi koan. ¹⁹ Kʼiaa i̱ kitsole Jesús: Jméni xi koan. Je chjotale i kitso: Je xi koantʼain Jesús, xi chjota nazareno, jmeni xi kitso kʼoa jokisʼin tsakakó ngixko̱n Niná kao ngixko̱n chjota nga tʼatsʼe Niná kinchja̱ya. ²⁰ Je chjotatítjonle naʼmi kao chjotaxá yá tsakátʼa nga kisikʼien. ²¹ Tonga jinjin kui kichoyalaijin tsakai nga je kʼoasjentjai naxinandá Israel. Kʼoa jejan nichxin tjínle nga kinikʼien. ²² Tjínkʼa yánchjín xi kʼoati chjotatjenngile Jesús ma xi tanjio ki jñani tíjna tsjó, ²³ kʼoa nga tsín ya kijna yaole Jesús nga kicho, kʼoakitsonajin nga ánkje tsabe xi kʼoakitsole nga tíjnakon Jesús. ²⁴ Kʼiaa ki kʼa xi ñatjen tiyuijin ya jña tíjna tsjó, kʼoa tsabe nga tsín ya kijna yaole Jesús tojo kitso je yánchjín. ²⁵ Kʼiaa i̱ kitsole Jesús: Jó tochinio kʼoa ánni nga tsín makjainnino ngayeje xi kitso je chjota xi kinchja̱ya tʼatsʼe Niná. ²⁶ A tsí tsa tjínnele tsakjaʼá kjoañʼai Cristo kʼoa kʼia kitjojeya. ²⁷ Kʼiaa kitsoyale jmeni xi tso Énle Niná xi tʼatsʼe, tsakʼétsʼiakaokjoanni Moisés kao ngatsʼi chjota xi kinchja̱ya tʼatsʼe Niná”.