Nga bʼaitʼalee yaoná je Niná

1. Jé Jeobá tsakʼéndayeje

tojmeni je xi tjín.

Je sonʼnde kʼoa kao ndáchikon

kao ntsja tsakʼéndani.

Jé kitsjoaná kjoabijnachon

nga̱ je kisindaná.

Kuinga toje xi bakinnile

nga jchaxkoán kʼoa chʼa̱sjengʼaa.

2. Kʼianga kisʼenngindá Jesús,

i kitsole Niná:

“Kʼoasʼian josʼin nga meli ji,

i tijna i̱ ngixkuin”.

Kʼianga kitjojin je nandá

kʼiaa kiskoejin Jeobá.

Ñaki tsakʼéjngo je ni̱ma̱le

nga tsínkʼia yátsʼi̱n koasen.

3. Tsjoatʼale yaona ji Jeobá,

nga̱ makjainna tʼatsi.

Kʼoasʼian josʼin nga meli ji,

kʼoa tsín yándsʼian koasen.

Nga̱ kao njínle Jesucristo

kichʼasjentjaininái.

Ni koatejnakoan kʼoa ni kuiyá,

toji xi Nai tijnanái.