Sa nʼio sa nʼio kʼuínyasoán

1. Katamatajasa je kjoamakjainná.

Sa nda sa nda katamaná xá xi tsʼe Niná.

Si̱ndayaa yaoná josʼin bakoyasoán

kʼoa Niná koasenkaoná.

Ngatsʼiaa tjínná ʼnde nga kʼuínyasoán,

nga kʼoasʼiaan xá xi kisʼin Jesús.

Kuenta sʼiaan je Niná kʼoa likuikʼia jtsoaa.

Kui kjoakixi si̱toánntje.

2. Tosi tonda kʼuínyasoán kao kjoanʼiojin.

Énnda chjotse koanngínkaolee toʼya chjotani.

Chʼa̱sjengʼaa Jeobá, je xi Rey tíjnaná,

nga mangián xki̱ ndʼia xki̱ ndʼia.

Chjotatsʼen mele nga si̱xa̱nlee,

Tonga sa nʼio sa nʼio kʼuínyasoán,

kʼoakuixoán kʼianga jetíbatéxoma

Chjotaxá xi tsʼe Niná.

3. Tosi tonda kjuintítjoán ngantsjai nichxin,

sa nʼio sa nʼio kʼuínyasoán nga̱ nʼio tse xá xi tjín.

Katatsjoáná Niná nganʼio nga kʼoasʼiaan

kʼoa nʼio tsjoa sa̱tío tokoán.

Kjitʼa koanngínkʼinyalee chjota,

tse kjoama̱ tjíosʼengi nga sʼesjai.

Kuinyakoaa chjota kao ndsʼee kʼoa kao tichjaa

nga nda sixále Jeobá.