Kuinga sʼe̱ni kjoafaʼáya xi totʼatsʼe kjoabʼechjíntjai

Kʼianga faʼaitsjenya Kjoabiyale Cristo kui xi basenkaoná nga nikjaʼaitsjenjiaan jmeni kjoanda xi sʼe̱ná xi totʼatsʼe kjoabʼechjíntjai. Tobʼelañá, sʼee kjoafaʼáya. Alikui kʼoasʼin koanmele je Jeobá nga kuiyá je chjota. Je xi nʼio tse kjoaba síkatíojinná kʼiaa nga jngo xíngiaa biya (1Co 15:26). Je Jesús kʼoati nʼio aon koanle kʼianga tsabe je chjotale nga kʼoasʼin tjíokjiʼndíatʼain nga kʼien je Lázaro (Jn 11:33-35). Je Jesús kʼoati kjoan jokjoan je Nʼaile, kʼoati aon male je Jeobá kʼianga chjiʼndátʼeen nga jngo xíngiaa kanichaa (Jn 14:7). Je Jeobá jemele nga katafaʼai je nichxin kʼianga sikjaʼáyanile je chjota xi kixi kitʼale kʼoa kʼoati jemená tsanda ñá (Job 14:14, 15).

Je Jeobá kui tsjoake jmeni xi ñaki tjío chʼin chʼin, kʼoa nga sʼe̱ kjoafaʼáya kʼoajinti ndiaandiaa kʼoakoa̱n (1Co 14:33, 40, Traducción del Nuevo Mundo). ʼNdele nga chjíʼndántjé nga ʼya xi kanichaa, tosa chjoéyaa je xi kjoaʼáyanile. A chaniyaní jkui kjoachoya jebi kʼoa ngisa tsa jngo xíngi kabiya (2Co 4:17, 18). A bʼailai kjoanda je Jeobá kʼianga títsjoáná kjoanda jebi nga kjoaʼáyanile je kʼien kʼoa nga kʼoatsoná je Biblia nga koatiokon ijngokʼani (Col 3:15).

• ʼYáni xi nʼio meli nga katafaʼáyanile, je xíngi kʼoa tsa miyoli.

• ʼYáni chjota xi faʼaitʼa Biblia xi meli jchaxkuin kʼoa kuinókjoakaonajmí.