Ánni nga ʼyachjísíñá nga kʼoasʼin ʼyaxkoán Jeobá josʼin mele

Je sén xi tsabe Ezequiel tʼatsʼe yo̱ngo̱ kui tsakinyakao je chjota judío nga tsabe nga je Jeobá sʼe̱tsʼoa ngindianile. Nichxin fetʼa xi tiyoaa ndʼaibi, kʼoasʼin tíʼyaxkón Jeobá josʼin mele kʼoa je kjoaʼyaxkón jebi jngoyale nʼio taja tíjna ya sonnindo xi tjío, kʼoa ñá yaa timangínmiaa kao chjota xi tjín ngakjijnda naxinandá (Isa 2:2). A nikjaʼaitsjenjinñá je kjoanda xi tjínná nga ʼyaa je Jeobá kʼoa nga je tinixálee.

KJOANICHIKONTʼAIN XI TJÍNNÁ NGA JE JEOBÁ BʼETSʼOALEE:

• 

  Nʼio tse kjoachjine xi tʼatsʼe Niná tínroani tíbʼainá, xi bakóyaná jme xi ngisa chjonangilee yaoná. Kʼoati tsjoáná kjoafaʼaitsjen xi machjénná kʼoa tsjoána kjoachoya (Isa 48:17, 18; 65:13; Ro 15:4).

• Bakolee kjoatsjoacha je ndsʼee jngo tjíjtsa Sonʼnde (Sl 133:1; Jn 13:35).

• Tjínná kjoanda nga tinixákoaa Niná, xá jebi tsjoa fáya tokoán (Hch 20:35; 1Co 3:9).

• “Je kjoanyʼántakonle Niná” basenkaoná nga kjoa tjínná (Flp 4:6, 7).

• Tsje tjín kjoafaʼaitsjenná (2Ti 1:3).

• Tjínná kjoamiyo kao Jeobá (Sl 25:14).

Jósʼin koakoa nga ʼbechjía josʼin ʼyaxkón Jeobá.