Kjoajnda 40
Kui títjon tjasjai je Chjotaxále Niná
(Mateo 6:33)
1. Jméni xi nʼio tsjoa bʼé je kon
kʼoa xi nʼio bechjí Jeobá.
Jéní je Chjotaxá xi tsʼe
xi kjoaʼaxin kjoa xi tjín.
(XI JNDA IJNGOKʼA)
Chjotaxále títjon tjasjai
kao je kjoakixi xi tsʼe,
chʼa̱sjengʼai yajinle chjota,
kixi tʼintʼalai Niná.
2. Likui koa̱n nga kui si̱kjaojin
xi sʼui̱ kʼoa xi kuichi nyaon.
Niná tsjoáli tsakui títjon
kjoásjai je Chjotaxále.
(XI JNDA IJNGOKʼA)
Chjotaxále títjon tjasjai
kao je kjoakixi xi tsʼe,
chʼa̱sjengʼai yajinle chjota,
kixi tʼintʼalai Niná.
3. Tʼinyasuin je énnda chjotse.
Takoyalai je chjota
nga Jeobá katasínʼiotʼa
kao josʼin batéxoma.
(XI JNDA IJNGOKʼA)
Chjotaxále títjon tjasjai
kao je kjoakixi xi tsʼe,
chʼa̱sjengʼai yajinle chjota,
kixi tʼintʼalai Niná.
(Kʼoati chótsenlai jotso Sal. 27:14; Mat. 6:34; 10:11, 13; 1 Ped. 1:21.)