Kʼoasʼin tinókjoai josʼin nokjoantsjai

2 Corintios 2:17

XI BAKÓYANÁ: Kʼianga kʼoasʼin kuinókjoai josʼin nokjoai ngantsjai, ni̱ma̱li katanroajinni jmeni xi sí.

JÓKOA̱N SʼIAIN:

• Tʼetsʼoalai Niná nga kʼoéndai kjoanokjoayali. Tijélai nganʼio Jeobá nga nda kʼoai kjoanokjoayali kʼoa li totsijin kjoafaʼaitsjen nichjain. Kuenta tʼiain jmeni xi ngisa tjínle kjoandosin. Ali tikui timajin én nichjénni jmeni xi ya tjítʼa xo̱n. Tsi én tichjain jmeni xi sí.

• Ni̱ma̱li katanroajinni jmeni xi sí. Tikjaʼaitsjain ánni nga nʼio machjénni nga kjuinrʼoé je chjota jmeni xi tisi. Kʼoa josʼin kuise̱njnai, josʼin si̱kjain ndsai kʼoa jokjoái nkjain kui koako jokji tsjoa tjín tokuin kʼoa nga ñaki kʼoatjín jmeni xi tisi.

• Kuenta tʼiain xi tjíonrʼoéli. Kʼiatsa tsín chʼaosʼin beni je chjota jñani tsi, chóʼai je xi tjíonrʼoéli. Kʼianga kʼoai kjoanokjoayali, kuenta tʼiain nga jngó jngó ʼndele nga tochótsenlai ngatsʼi.