Tikʼéjnandai je jta̱li

Proverbios 8:4, 7

XI BAKÓYANÁ: Kʼianga kʼuínyai jmeni xi nʼio tjínle kjoandosin, koaan si̱kin jta̱li kʼoa tsa xa̱n kuinókjoai, tsa tobijbi kʼoa tsa ngotjo kuinókjoani.

JÓKOA̱N SʼIAIN:

• Jokji nʼio kuinókjoai. Kʼianga kʼuínyai xi nʼio chjíle nʼio tinókjoai, ánni sitjosonsíni je xi tjíonrʼoéli. Kʼoati tʼiain kʼianga tibʼexkiai jngo testo xi kjoañʼai tínchja̱ni. Xa̱n tinókjoai tsa meli nga koa̱nndosinle xi tjíonrʼoéli jme xi sí kʼoa tsakui tinokjoanije̱ tʼatsʼe kjoajkon kʼoa tsa kjoanikjáojin.

• Josʼin kuinókjoai. Tsa kʼoasʼin ngale chjota, tikin jta̱li kʼiatsa tʼatsʼe kjoatsjoa tinokjoani, kʼoa tsakui kʼoatisi jokjoan xi tinikʼaxki̱, kʼoa tsa jokji kjin tjío. Kʼoa xa̱n tinókjoai tsa ba tjín je xi tinikʼaxki̱ kʼoa tsa kjoanikjáojin tjenkao.

• Tsa ngotjo kʼoa tsa tobijbi kuinókjoai. Ngotjo tinókjoani tsa meli nga tsjoa sʼe̱le je xi tjíonrʼoéli. Kʼoa bijbi tinókjoai tsa nʼio tjínle kjoandosin jmeni xi sí.