KJOAʼMIYA 15

Takui nga ñaki tjínjngo tokuin jme xi tisi

Romanos 8:38, 39

XI BAKÓYANÁ: Takui nga ñaki kʼoatjín jme xi tisi kʼoa nga nʼio tjínle kjoandosin.

Nda chótʼayai. Nda chótʼayajin je kjoanokjoayali, katamajinli jme xi tínchja̱ni kʼoa josʼin mangóson kao jmeni xi tso je Biblia. Kui tichjain je én xi choa ñʼai kʼoa tochoa én tinókjoai. Kui tikjaʼaitsjain josʼin koasenkao je xi tjíonrʼoéli. Kʼoatʼinlai Jeobá nga katatsjoáli je nganʼiotsjele.

Nʼio tinókjoai kʼianga chótʼayai xi bʼakaoli, ánni nga sʼe̱jinsínili kʼoa ngisa nda kʼuínyasíni.
Kui tichjain én xi bakó nga ñaki kʼoatjín jme xi tisi. Kʼianga kuinókjoai tsi én tichjain, ali tokuijin bʼexkiai jme xi tjítʼa xo̱n. Kʼoa takui nga ñaki tjínjngo tokuin jmeni xi tisi.
Ni̱ma̱li katanroajinni jmeni xi sí. Nʼio tinókjoai. Kʼiatsa tsín chʼaosʼin beni je chjota jñani tsi, chóʼai nga chja̱koai.

Kʼianga chja̱kaonajmí je chjota katabe nga ñaki kʼoatjín tokuin jmeni xi tiʼmilai. Ali kjoanʼiojin nʼialai nga kʼoasʼin katasíkjaʼaitsjen josʼin nikjaʼaitsjain. Tosa ndʼésʼin chja̱koai.