KJOAJNDA 139
A fiya jkui nga tijnai ya sonʼnde chjotse
(Apocalipsis 21:1-5)
1. A fiya jkui nga ya tiyoaa.
Jeme naskánakoa̱nchon je Sonʼnde.
Nʼio tsjoa sʼe̱ná nga koa̱nxtiyaa,
nga sʼe̱ kjoanyʼán kʼoa nga tjóxin jée.
Tse kjoanda sʼe̱, kʼoa kao kjoatsjoa.
Tsa tjínná kjoamakjain yaa kuiyoaa.
Jé Chjotaxále Niná tsjoáná kjoandái,
kʼoa kao kjoatsjoa kuijndálee Jeobá nga kuixoán:
(XI JNDA IJNGOKʼA)
“Ji Niná Jeobá, Jesús tinichjain,
nga tinindachuin je sonʼnde ndʼaibi.
Nʼio tsjoa tjínle je ni̱ma̱na nga i̱ tijna.
Tsjoale kjoanda tokʼia saʼndani, ji Jeobá”.
2. Jeʼi̱ tijna, jeʼi̱ tijnai.
Jótonda nga jetiʼyaa ʼndenaxó.
Jme xi kitso Niná Jeobá,
jexkoaan tiʼyañá nga kitjoson.
Jetsín kjoaʼaon, jetsín kjoañʼai,
nijngojinla xi titsokjónni.
Jeme kuinyátjen kʼien nga kjoaʼáyale,
miyón koa̱nni xi kʼoati sé kʼianga kuitso:
(XI JNDA IJNGOKʼA)
“Ji Niná Jeobá, Jesús tinichjain,
nga tinindachuin je sonʼnde ndʼaibi.
Nʼio tsjoa tjínle je ni̱ma̱na nga i̱ tijna.
Tsjoale kjoanda tokʼia saʼndani, ji Jeobá”.
(Kʼoati chótsenlai Sal. 37:10, 11; Is. 65:17; Juan 5:28; 2 Ped. 3:13).