KJOAJNDA 111
Xi tsjoa fáya tokoán
(Mateo 5:12)
1. Ñaki nʼio kjingʼa je ni̱ma̱na,
ñaki tsjoa sʼele xi tʼatsi.
Je chjota xi tjín ngakjijnda ʼnde,
jé tjíosíxále je Jeobá.
Ñaki nʼio tsjoa sʼele je tokoán
nga kijna je Énle Niná.
Jmeni xi tso kui tíbándiaana
kʼoa tse kjoanda tísokóna.
Yaa tjen ni̱ma̱na tínroajinni
kjoatsjoa xi kʼoasʼin tísʼena.
Tsa jme kjoa xi tifaʼatojian
jé Jeobá tísíkuindana.
(XI JNDA IJNGOKʼA)
Sʼeena kjoamakjain kao kjoanyʼán,
nga̱ je Jeobá tisixále.
Jé Ninána tsjoána je kjoandale
tsa ñaki nda kjuíkoa yaona.
2. Ñaki kao kjoatsjoa nga chótsenlee
jme xi kisinda je Niná,
ya ngʼajmi, ndáchikon, kao sonʼnde
xi jesoa Niná tsakʼénda.
Naxinandá kao én xi nokjoa
nchjani Chjotaxále Niná.
Kʼoatiʼmilee chjota ngakjijnda,
xi tʼatsʼe Chjotaxá jebi.
Jmeni xi kitso Jeobá ngasʼa
jeme sitjoson je énle.
Naskánasʼin kuiyoaa i̱ Sonʼnde
nga kʼoétsaojiaan ngantsjai nichxin.
(XI JNDA IJNGOKʼA)
Sʼeena kjoamakjain kao kjoanyʼán,
nga̱ je Jeobá tisixále.
Jé Ninána tsjoána je kjoandale
tsa ñaki nda kjuíkoa yaona.
(Kʼoati chótsenlai Deut. 16:15; Is. 12:6; Juan 15:11).