Tsjoa tjíole xi tjínle kjoamatokon

1. Jeobá bakó kjoamatokon,

kʼoa kao kjoatsjoa bakóniná.

Bakóná kjoanda xi tjínle

kʼoa nʼio síkuindaná ngatsʼiaa.

Koakontsjainá kjoamatokon

tsa ñaki kixi kjuintʼalee.

Je Niná be nga to chaoñá

kʼoa kuinga mamakeniná.

2. Si̱chatʼalee xi chʼao tsoná,

koakolee je kjoamatokon.

Likʼia kʼoéngijtilee tokoán

kʼoa nyʼán sʼe̱ ya jinni̱ma̱ná.

Kʼiatsa kʼoasi̱koaa je xíngiaa

kʼoati koa̱nmakená Jeobá.

Kʼianga kʼoétsʼoalee kjuinrʼoéná

kʼoa sichatʼaná tsanda je.

3. Kʼianga jme kjoanda xi koakoá,

ñaki kao kjoatsjoa kʼoasʼianñá.

Li tsakuijin nga kuitjongʼaa

kʼoa nda kuitjoaa ngixko̱n chjota.

Tsa koakoá je kjoamatokon

kʼoa tsa kʼoati koakoá kjoanda,

nʼio tse kjoanda tsjoáná Jeobá

kʼoa sichikontʼainná ngantsjai.