KJOAʼMIYA 02

Je Biblia tsjoáná kjoachoya

Koaan chʼasjai

Je chjota tse kjoa faʼatojin kʼoa nga kʼoama ba satío kon, kjoanikjáojin sʼele kʼoa aon satío kon. A saje kui kjoa kitjatojin. Tsakui nichxin chʼin tjínli kʼoa tsa xíngi kʼien, tsakui nichxin kʼoasʼin nikjaʼaitsjain “a kuicho nichxin nga nda kuiyoaa”. Jmeni xi tso je Biblia nda bʼé tokoán.

1. Jmé kjoachoya xi tsjoá je Biblia

Je Biblia tsoya ánni nga kʼoasikji kjoa tjínni i̱ sonʼnde, kʼoati tsoya nga chan tondiaa tjóxin je kjoa xi tjín. Jmeni xi tso Biblia koasenkaoli nga sʼe̱li kjoachoya “nichxin xi sʼa nroa” (tʼexkiai Jeremías 29:11, 12). Jmeni xi tso basenkaoná nga chókjoajinná je kjoa xi bitjatojiaan kʼoa nga nda sʼe tokoán. Kʼoati tso nga koa̱n tsjoa sa̱tío tokoán ngantsjai.

2. Jótso je Biblia tʼatsʼe nichxin xi sʼa nroa

Je Biblia kʼoatso nga “likui tisʼe̱ni kjoabiya, likui tisʼe̱ni kjoaba, nijejin xi kjiʼndía, nijejin xi aon male” (tʼexkiai Apocalipsis 21:4). Alikui tisʼeni je kjoa xi kjoañʼai síkjaʼáná, nga ma̱ sʼin biyoaa, nga kjoasi sʼe, nga chʼin tjín kʼoa nga biyaa. Je Biblia kʼoatso nga nda koatio je chjota ngantsjai nichxin kʼianga jeʼndenaxó koa̱n sonʼnde.

3. Jméni xi koasenkaoli nga sʼe̱jngo tokuin nga kuitjoson jmeni xi tso je Biblia

Nkjín chjota xi mele nga ndasʼin koatio nichxin xi sʼa nroa, tonga alikui be tsa koa̱n nda kuiyo kjoaixiaa. Tonga je Biblia kʼoatso nga kʼoakoa̱n. Tsa chótʼayai “je xo̱n Escritura”, xi tsonile je Biblia, koasenkaoli nga sʼe̱jngo tokuin nga ñaki kʼoatjín jmeni xi tso tʼatsʼe nichxin xi sʼa nroa (Hechos 17:11). Kʼoa jisoa jchai nga ñaki kʼoatjín jmeni xi tso.

KATAʼYASAI JME XI TÍNCHJA̱NI

Chótʼayajinla choa jmeni xi tso je Biblia tʼatsʼe nichxin xi sʼa nroa. Kataʼyala jósʼin tjíobinyakao je chjota je kjoachoya xi tsjoá.

Sén xi faʼaitʼa: yaa bakó josʼin tjío chjota ndʼaibi kʼoa josʼin koatio nichxin xi sʼa nroa. Kʼoati kui nchja̱ni je sén xi faʼaitʼa nangini.

4. Je Biblia kui kjoachoya tsjoáná nga nda kuiyoaa ngantsjai nichxin

Chótsenlalee jmeni xi tso je Biblia xi faʼaitʼa i̱bi. Jñánile xi ngisa sasénli. Ánni.

Tʼexkiao texto xi faʼaitʼa kʼoa cho̱bayaño jebi:

A basenkaoli jmeni xi tso texto jebi. Jósingái ji, a koasenkao je xíngi kʼoa kao je miyoli jmeni xi tso texto jebi.

Tikjaʼaitsjenlai jebi:

NGA TSÍN ʼYA...	NGATSʼI JE CHJOTA...
xi tikjoañʼai kjoaʼani, nga tsín ʼya xi tikoa̱njchíngani kʼoa nga tsín ʼya xi tikuiyáni (Isaías 25:8).	skoee nga kjoaʼáyanile xínkjín kʼoa nga koatiokon ijngokʼani (Juan 5:28, 29).
xi tichʼin sʼe̱nile (Isaías 33:24; 35:5, 6).	sʼeele nganʼio kʼoa tjóxinle je chʼin xi tjínle (Job 33:25).
xi tikui kjoa kjoaʼatojinni xi tsín kixi tjín (Isaías 32:16, 17).	sʼeele tsojmi xi ski̱ne, ndʼia jña koatioʼya kʼoa kao je xá xi tsjoa kʼoe kon (Salmo 72:16; Isaías 65:21, 22).
xi tikjoañʼai kjoaʼani xi totʼatsʼe kjoajchán (Salmo 46:9).	nyʼán sʼin koatio (Salmo 37:11).
xi tikui sikjaʼaitsjenni xi síkiʼaonná kʼoa xi síkinroajen tokoán (Isaías 65:17).	ndasʼin koatio ngantsjai nichxin (Salmo 37:29).

Jngo tiʼndí xi tímʼe jekoanndayani kʼoa títsoakjá je male.

Jngo chjota xi jejchínga tsakai koanxtiya ijngokʼani kʼoa to nyayale carretilla.

5. Je kjoachoya xi tsjoá je Biblia nda bʼé tokoán

Nga kʼoasikji kjoa tjín i̱ sonʼnde nʼio nkjín chjota xi tsín ndatjío kon kʼoa xi saʼnda síjtile yaole. Tjínkʼa xi básjaile josʼín tojoni nga nda koatio. Nga kʼoatso je Biblia nga nda koa̱nchon nichxin xi nroaján nkjín chjota tjíobinyakao. Chótsenlao VIDEO kʼoa cho̱bayaño jebi:

VIDEO: Koanmena tsakʼendajian xi tsín kixi tíjna (4:07)

Sén xi bakó video Alikui timachjénni nga kjoa tsjonjian yaona. 1. Je Rafika tsa̱nga̱ tíbate nga sʼa ʼndí kji kao je chjota xi ngóson sʼin tsen yaole. 2. Je Rafika nga tokʼia ki títjon je kjoajtíntse xi satíole testigole Jeobá. Tokʼoamale nga be nga tongóson sʼin fikao xínkjín je chjota xi kjaʼaí kjaʼaísʼin tsen yaole.

Tojosʼin kaʼyaa je video, jméni xi nʼio kisikjaʼaitsjenjin je Rafika.
Ningalani tsín koan tsakʼéndajin je kjoa xi kisʼele, jósʼin tsakasenkao je Biblia.

Kʼianga makjainná jmeni xi tso je Biblia tʼatsʼe nichxin xi sʼa nroaján, basenkaoná nga chókjoajinná je kjoa xi bitjatojiaan kʼoa nga tsín nikʼajenlee tokoán. Tʼexkiao Proverbios 17:22 kao Romanos 12:12 kʼoa cho̱bayaño jebi:

Jósingái ji, a ngisaa tsjoa sʼe̱ tokuin kʼiatsa koa̱nkjainli jmeni xi tso je Biblia tʼatsʼe nichxin xi sʼa nroa. Ánni.

TJÍNKʼA XI I̱ TSO: “A kʼoakoa̱n kjoaixi tsokʼoa jmeni xi tso je Biblia”.

Tsa bitjoson jmeni xi tso je Biblia, ánni machjénsíni nga jisoa chótʼayajin.

XI KACHOTʼAYÁ

Je Biblia kʼoatso nga nda kuiyoaa nichxin xi nroaján kʼoa kui xi basenkaoná nga chókjoajinná je kjoa xi bitjatojiaan.

Jmé xi kamajinli

Ánni machjénsíni nga sʼe̱jinle je chjota jmeni xi sʼin je Niná nichxin xi sʼa nroa.
Jótso je Biblia, jméni xi koa̱n nichxin xi sʼa nroa.
Jósʼin koasenkaoli ndʼaibi je kjoachoya xi tsjoá Biblia.

Tʼetʼai kʼiáni kichotʼayai kjoaʼmiya jebi:

Kʼoatʼiain jebi

Nga sʼe̱jintokuin jmeni xi tso je Biblia tʼatsʼe nichxin xi sʼa nroa, tʼexkia ijngokʼai je texto xi faʼaitʼa kjoaʼmiya jebi.

Jmesa xi koa̱n sʼiain:

Jmesa xi koa̱n sʼiain

XI KOASENKAOSALI

Kataʼyasai josʼin basenkaoná je kjoachoya.

“Jñáni so̱koná kjoachoya” (¡Despertad!, 22 de abril de 2004)

Kataʼyai jósʼin tjíobinyakao je kjoachoya je chjota xi táo chʼin tjínle.

“A basenkaoná je Biblia nga chókjoakaoná je chʼin xi tjínná” (Yaa faʼaitʼa ya Internet ya jw.org)

Nga kuinóʼyalai canción jebi, cha̱niyai jkui nga jeya tijnai kao familiali ya ʼndenaxó.

Cha̱niyai jkui nga jeya tijnai (3:37)

Kataʼyai jósʼin tsakasenkao je kjoachoya xi tsjoá je Biblia jngo chjota xi nʼio tsjoake koan kjoasi.

“Alikui timachjénni nga kjoa tsjonjian yaona” (La Atalaya, 1 de julio de 2013)