KJOAʼMIYA 07

Jókjoan kʼoa jókji je Jeobá

Koaan chʼasjai

Jósʼin fiya jkui jókji je Jeobá. A kʼoasʼin nikjaʼaitsjain nga nʼio kjin tíjna je Jeobá. A kʼoasʼin nikjaʼaitsjain nga tsín ñaki tíjna je Niná, nga toya mangóson je lʼíle chʼao̱n. Jókjoan je Jeobá kʼoa jókji. Je Biblia tsoyaná jokjoan je Jeobá, kʼoa kʼoati tsoyaná nga mandosinle xi tʼatsaan.

1. Ánni nga tsín ʼyañá xkoaan je Niná

“Niná espíritu ní” (Juan 4:24). Je Jeobá alikui kʼoasʼin yao tjínle joni ñá xi chjota. Je Niná alikui matsen kʼoa yaa ngʼajmi tíjna, jngo ʼnde jñani tsín ʼyañá kao xkoaan.

2. Jókjoan je Jeobá

Kʼianga ʼyaa jokjoan je Jeobá tsjoachaa maa ninga tsínkjoan xkoaan ʼyañá. Je Biblia itso: “Je Jeobá tsjoake je kjoatéxomakixi, kʼoa alikui tsjiónkon je xi kixi fitʼale” (Salmo 37:28). “Je Nainá kjaínga tjínle kjoamatakon, bema̱ní” kʼoa ngisaa tjao be kʼoa bakóle kjoamatokon je xi kjoañʼai tjíofaʼá (Santiago 5:11). “Je Jeobá chrian tíjnale je xi nʼio aon tjío ni̱ma̱le; bʼasjentjai xi jekisikinroajen kon” (Salmo 34:18). A ʼyaní kʼianga tsjoa sʼe kon je Jeobá kʼianga kui kʼoanʼia je xi ndatjín, kʼoa nga ba sʼe kon kʼianga kui kʼoanʼia je xi chʼaotjín. Je xi kui kʼoasʼín je xi chʼaotjín, aon bʼé kon je Jeobá (Salmo 78:40, 41). Tonga je xi kui kʼoasʼín je xi ndatjín, báyatsjoa je ni̱ma̱le Jeobá (tʼexkiai Proverbios 27:11).

3. Jósʼin bakó je Jeobá nga tsjoakená

Jmeni xi ngisa bakó je Jeobá kui je kjoatsjoacha. Je Biblia itso: “Jé Niná xi kjoatjaocha” (1 Juan 4:8). Yaa ʼyañá nga tsjoakená je Jeobá kʼianga bʼexkiaa je Biblia, kʼoa kʼianga chotsenlee jmeni xi kisinda (tʼexkiai Hechos 14:17). Totikjaʼaitsjenlai jokisikjoanná kʼianga kisindaná. Kʼoasʼin kisindaná nga koa̱n nkjín color chótsenlee, nga tsjoa sʼe̱ tokoán nga kuinóʼyalee música kʼoa nga nda chi̱nená je tsojmi xi tjín. Je Jeobá kui xi mele nga ndasʼin kuiyoaa.

KATAʼYASAI JME XI TÍNCHJA̱NI

Kataʼyala jósʼin síchjén Jeobá je nganʼiotsjele. Kʼoati jchaa jósʼin bakóná je Jeobá jokjoan.

4. Josʼin síchjén je nganʼiotsjele

Sén xi bakó jmeni xi kisinda je Niná kao nganʼiotsjele: 1. Planeta kao jmeni xi tjín ya ngʼajmi. 2. Jngo chjota xi Énle Niná tíkjitʼa je rollo.

Ñá kʼianga nixá kui ndsaa nichjén, tonga je Jeobá kui nganʼiotsjele síchjén. Ya Biblia alikui jña kʼoatso tsa chjota je nganʼiotsje, kuiní je nganʼio xi síchjén je Niná kʼianga jme xi sʼín. Tʼexkiao Lucas 11:13 kao Hechos 2:17 kʼoa cho̱bayaño jebi:

Je Niná tsjoále je nganʼiotsjele ʼyani xi kui síjéle. Kʼoa ji a kʼoasʼin nikjaʼaitsjain nga chjota je nganʼiotsje axo kui je nganʼio xi síchjén je Niná kʼianga jme xi sʼín. Ánni nga kʼoasʼin nikjaʼaitsjenni.

Je Jeobá kui nganʼiole síchjén nga kʼoasʼín jmeni xi tokʼoamaná. Tʼexkiao Salmo 33:6 kao 2 Pedro 1:20, 21 kʼoa cho̱bayaño jebi:

Jósʼin síchjén Niná je espíritu santole, xi tsonile, je nganʼiotsjele.

5. Ngisaa machriantʼalee je Jeobá kʼianga ʼyaa jokjoan

Je Moisés kixi kitʼale je Niná. Ninga kʼoalani, koanmesale tsabe xi tʼatsʼe Jeobá. Kuinga i̱ kitsoni: “Takonái je ndiaali ánni nga skoesínile” (Éxodo 33:13). Kʼoa je Jeobá tsakakóle jokjoan, jme kjoanda xi tjínle. Tʼexkiao Éxodo 34:4-6 kʼoa cho̱bayaño jebi:

Tikʼaxki̱ kʼai jókjoan je Jeobá tojo kitsole je Moisés.
Jñánile xi ngisa tsjoachai jokjoan je Jeobá.

6. Je Jeobá mandosinle xi tʼatsʼe je chjota

Je chjota hebreo, naxinandále koanni je Jeobá nichxin kjoatse kʼoa choʼnda kinikao ya Egipto. Jókisʼe kon je Jeobá kʼianga tsabe nga kjoañʼai tífaʼá je naxinandále. Tinóʼyalao AUDIO kʼoa tsa maije̱ tʼexkiao Éxodo 3:1-10 kʼoa cho̱bayaño jebi:

AUDIO: Je Jeobá aon koanle nga kjoañʼai tsakjaʼá je naxinandále (2:45)

Jmé xi bakóyali choa̱ jebi tʼatsʼe josʼe kon je Jeobá kʼianga kjoañʼai faʼá je chjota (chótsenlao versículo 7 kao 8).
Jósingái ji, a mele Jeobá koasenkao je chjota. A koaanle kʼoasʼin. Ánni kʼoasʼin nikjaʼaitsjenni.

7. Jmeni xi koannda kʼoati bakó jokjoan je Jeobá

Sén xi faʼaitʼa: Jngo tiburón kao ʼndíle, jngo tondsi̱n xi naxó tíʼbingile.

Je Jeobá kʼoasʼin bakóniná jokjoan kʼianga chotsenlee jmeni xi kisinda. Chótsenlao VIDEO. Xijekoa̱n, tʼexkiao Romanos 1:20 kʼoa cho̱bayaño jebi: