KJOAʼMIYA 05
Je Biblia Énle Ninání kʼoa ñá kichjiná
Je Jeobá ñá kitsjoaná je Biblia kʼoa 66 libro tjínle kjoatjao jebi. Tonga tsakui nichxin i̱si: “Jñá jaʼaini je Biblia. ʼYá tsʼe én xi faʼaitʼa”. Nga koa̱njinná, kataʼyala jókoanni nga tojo kijna je Énle Niná nichxin xi tiyoaa ndʼaibi.
1. Tsa chjota kiski je Biblia, ánni kʼoabixónñá nga Énle Niná xi faʼaitʼa
Ñachanla koanni je chjota xi kiski je Biblia. Kjaʼaí kjaʼaí xá kisʼin, tjínkʼa xi nyiná koan kʼoa xi ma̱ kisijchá yaole. Je libro xi títjon jela 3,500 nó tjínle nga kichji kʼoa je libro xi fetʼani jela 1,900 nó tjínle nga kichji. Xi tsonile, jngo jmi kao jaon sientola nó koanjngoni. Ninga kʼoalani, alikui kjántʼa jmeni xi tso. Jebi kui bakó nga Énle Niná je Biblia (tʼexkiai 1 Tesalonicenses 2:13). Je chjota xi kiski, ali totsʼejin kjoafaʼaitsjen xi kiski. Kʼoasʼin kiski “josʼin kisiʼisenjin kjoafaʼaitsjenle je Espíritu Santo” (2 Pedro 1:21).a Jé nganʼiotsjele Niná tsakándiaale chjota jebi nga kui kiski josʼin síkjaʼaitsjen je Niná (2 Timoteo 3:16).
2. ʼYá chjotani xi koa̱n koasenkao je Biblia
Koasenkao toʼya chjotani, “ngayije ntje̱, kao ngayije én, kao ngayije naxinandá” (tʼexkiai Apocalipsis 14:6). Nichxin xi tiyoaa ndʼaibi, kui je Biblia xi ngisasa nkjín én tífaʼatoya tikʼoajinni xi kjaʼaí libro. Ngatsʼi je chjota koaan skoe̱ jmeni xi tso je Biblia, tojñani tsʼe kʼoa tojme én xi male.
3. Jósʼin kisikuinda Jeobá je Biblia
Nga sʼa kichji je Biblia xjoa̱le choo kichjijon kʼoa kao yá papiro, kʼoa tsojmi jebi sasa bitsonni. Tonga nʼio nkjín copia kiski je chjota xi tsjoake koan je Biblia. Kisʼe chjotaxá kao naʼmi xi koanmele kisichangi je Biblia, tonga tsakatio kʼa je chjota xi tosi tonda kiski copiale Biblia ninga xkón tsakatio. Je Jeobá alikui títsjoáʼnde nga tíchangi je Biblia. Je Biblia itso: “Je énle Nináná tíjnaa ngantsjai nichxin” (Isaías 40:8).
KATAʼYASAI JME XI TÍNCHJA̱NI
Kataʼyala jósʼin tsakándiaale Niná je chjota nga kiski je Biblia. Kʼoati jchaa nga tsín kitsjoaʼnde je Jeobá nga kichangi je Biblia kʼoa jmeni xi tísʼín nga koa̱n kʼoexkia ngatsʼi je chjota.
4. Je Biblia tsoya ʼyá tsʼe én xi faʼaitʼa
Chótsenlao VIDEO. Xijekoa̱n, tʼexkiao 2 Timoteo 3:16 kʼoa cho̱bayaño jebi:
Tsa chjota kiski je Biblia, ánni kʼoabixónsíñá nga Énle Niná.
Jósingái ji, a ndatjín nga kʼoasʼin makjainná nga je Niná xokitsole je chjota jmeni xi tsakʼétʼa nga kiski je Biblia.
Ninga je secretario kji je carta tonga je én xi kji tsʼee xi naile ma, jé xotsole jmeni xi kji. Kʼoatisʼinni je Biblia, ninga chjota kiski je én xi nroatʼa tsʼee Niná
5. Tojo kijnaa je Biblia ninga nkjín chjota xi koanmele kisichangi
Jé Niná kisikuinda je Biblia nga̱ tʼatsʼe kinroani. Jokji tífaʼato je nó, nkjín chjotaxá xi koanmele kisichangi je Biblia. Kʼoati kisʼe je naʼmi xi tsín koanmele nga kui kʼoexkia je chjota. Tonga tsakatio je chjota xi tosi tonda kisikʼatoya je Biblia ninga nkjín kontra kisʼele kʼoa ninga kʼoatsakʼinle nga ni̱kʼien. Jngola chjota kataʼyaa xi kʼoakisʼin. Chótsenlao VIDEO kʼoa cho̱bayaño jebi:
Nga ʼyai ndʼaibi nga tjín chjota xi saʼnda kʼienntjai je Biblia, a ngisaa nimetokuin nga kʼoéxkiai. Ánni.
Tʼexkiao Salmo 119:97 kʼoa cho̱bayaño jebi:
Ánni kisikʼatoyani kʼoa kisikʼabísonni Biblia je chjota ninga xkón tsakatio.
6. Jngo libro xi kichjile ngatsʼi je chjota
Kui je Biblia xi ngisa nkjín én tífaʼatoya kʼoa xi ngisa tíbʼabíson. Tʼexkiao Hechos 10:34, 35 kʼoa cho̱bayaño jebi:
Ánni nga kui xi menile je Niná nga nʼio nkjín én katafaʼatoya je Biblia kʼoa nga nʼio nkjín ʼnde katabʼabíson.
Jméni xi tokʼoamali xi tʼatsʼe je Biblia.
Me
ngatsʼi
chjota xi tjío jngo tjíjtsa Sonʼnde
nga kjiole Biblia xi kui nroatʼa je én xi majinle
Jetsʼato
3,000
én jaʼatoya je Biblia,
tjín xi jejaʼatoyayeje kʼoa xi tosʼa choa jaʼatoya
5,000 millón
Biblia jekitjo
kʼoa kui xi ngisasa nkjín tíbitjo tikʼoajinni tojme libroni
TJÍNKʼA XI I̱ TSO: “Li sʼala kichji je Biblia kʼoa to chjota kiski”.
Kʼoa ji, jósʼin nikjaʼaitsjain.
Jméni xi bakó nga ñaki Énle Niná je Biblia.
XI KACHOTʼAYÁ
Je Biblia Énle Ninání, kʼoa kui xi mele Niná nga katabʼéxkia ngatsʼi je chjota.
Jmé xi kamajinli
Jósʼin tsoyanile nga je Niná tsakándiaale je chjota xi kiski je Biblia.
Jméni xi tokʼoamali jokoanni nga kinjengi je Biblia ninga nkjín chjota xi koanmele kisichangi. Jméni xi tokʼoamali jotjín én tífaʼatoya je Biblia kʼoa jotjín tíbʼabíson.
Jósʼe tokuin nga ʼyai jmeni xi tísʼín je Niná nga mele jchai jotso je Énle.
XI KOASENKAOSALI
Kataʼyai josʼin kitsʼiani nga kichji je Biblia kʼoa jokjimani nga tífaʼatoya saʼnda ndʼaibi.
“Jókoanni nga tojo kijna Biblia ndʼaibi” (¡Despertad!, noviembre de 2007)
Kataʼyai nga jan koya kjoa xi nʼio tsakʼetʼale je Biblia.
“Je Biblia: likui tíchangi ninga tse kjoa tífaʼatojin” (Xo̱n xi Bájinkonná, julio 2016)
Kataʼyai jokji xkón tsakatio kʼa je chjota kʼianga kisikʼatoya je Biblia.
Nkjín copiale Biblia kjio kʼoa nkjín én tífaʼatoya. Kataʼyai nga tsín tíbʼantjaiyajin je Énle Niná.
“A tíbʼantjaiyajin jmeni xi tso je Biblia” (Yaa faʼaitʼa ya Internet ya jw.org)
a Je xi espíritu santo ʼmi kuiní nganʼiotsjele Niná, kʼoa yaa kjoaʼmiya 07 jchasaa xi tʼatsʼe jebi.