Kisichatʼaa “jée xi jejaʼato”

Totʼatsʼee nga kʼienntjainá je Jesús nga ma chatʼani je jéená (Efes. 1:7). Ninga kʼoalani, je Biblia itso: “Niná, [ . . . ] kao kjoatsejtale kisikʼatoni jée xi jejaʼato” (Rom. 3:25). Kui xi tsonile nga kisichatʼa jéele chjota kʼianga kjesa bʼéchjíntjaijinná je Jesús. Nga kixi jmeni xi sʼín ngantsjai je Jeobá, jósʼin tíjna nga kisichatʼa je jée tongini nga kjesa bʼéchjíntjaijinná je Jesús.

Je Jeobá kʼoakitso nga jngo “ntje̱” kjoaʼaí xi kʼoasjentjai je chjota xi koa̱nkjainle xi tʼatsʼe. Joxi kuini xi kitso nga jekoanchjíntjé (Gén. 3:15; 22:18). Je Jeobá alikui jao kisʼele nga tíjnanda ʼNdíle nga kuiyántjai chjota kʼianga kuichoka nichxin (Gál. 4:4; Heb. 10:​7-10). Kʼianga tsakʼejna Jesús i̱ Sonʼnde, je Niná kitsjoale kjoatéxoma nga koanle kisichatʼa je jée. Kisichatʼaa jéele chjota xi koankjainle xi tʼatsʼe nga̱ be nga kʼoasʼin koa̱nchjíntjai chjota jebi kʼianga jekuiyántjai Jesús (Mat. 9:​2-6).