PARTE 13
Kat asom waku watunug̃ Tupana mowepīt hamo
Ȳt etunug̃ neiꞌo wakuꞌi rakat. 1 Kurintiu (1 Coríntios) 6:9, 10
Watikyꞌe Ieuwa pote ȳt watunug̃ terānꞌi kat koꞌi kat koꞌi tuweukaꞌi hap koꞌi ete.
Ȳt nakuꞌi seroꞌok e haria wo watukupteꞌen neig̃ imompẽꞌẽ kahato rakaria wo iꞌewȳte ȳt nakuꞌi wahapy kat koꞌi kat koꞌi.
Ȳt nakuꞌi watopotꞌauka iꞌewȳte ȳt nakuꞌi watiꞌauka hirokat hit ahoumyꞌa piat ȳt nakuꞌi haryporiaꞌīn toꞌope tukupteꞌen ȳt nakuꞌi ihaig̃niaꞌīn toꞌope tukupteꞌen iꞌewȳte ȳt toikyꞌesatꞌi wy heg̃yiꞌatꞌi rakaria wo watoig̃neꞌen hap ȳt toikyꞌesatꞌi watuꞌuka tuꞌuka hap.
Ȳt nakuꞌi watimontypot tupanaria iaꞌag̃kap iꞌewȳte ȳt nakuꞌi paig̃niria minug̃ koꞌi ete watimohey.
Maꞌato meig̃muewaria mītꞌīn ȳt wakuatꞌi nug̃ haria ti ȳt katꞌi poꞌog̃ hamuat Nusuken note.
Etunug̃ o waku rakat yn. Mateu (Mateus) 7:12
Etimowepīt terān Tupana mote waku etunug̃ Ieuwa ewywuat.
Etimoherep o etiꞌatukyꞌe mītꞌīn hap eg̃yiꞌat hap puo pyi.
Pȳwo pe o ehay hawyi ehoꞌomaꞌat reiꞌo.
Etiwāure o iraniaꞌīn mītꞌīn miꞌaparap koꞌi.
Ehay o mītꞌīn kape Ieuwa etiat. (Isaia [Isaías] 43:10)