Wemoherep hap 3. Ahū hap koꞌi — Ieuwa Ehay Enoi Haria e POPERA KOꞌI

Wemoherep hap 3. Ahū hap koꞌi

— Mesūwat mytȳp oktān iꞌahū e hap koꞌi toig̃neꞌen wuatꞌi puo. — IRUKA 21:11

● Bonzali e hap het rakat toig̃neꞌen wentup ywania África pe. Miꞌi ipotpap hospital pe. Hetawa pe mītꞌīn hoꞌopot kahato wuꞌuka hap pono. Iꞌewȳte Bonzali e tawa pe tuwemoherep ahū ipaharaꞌi rakat. Miꞌi ahū hap ti Marburga e hap het rakat. Miꞌi hawyi sese mītꞌīn uru koꞌi kāt haria iꞌatuꞌahū kahato miꞌi pote Bonzali hentup morekuaria pe mowȳro hap koꞌi upi mītꞌīn powȳro hamo. Maꞌato katꞌi mowȳro hap. Miꞌi hawyi toiꞌatupowȳro terān pykai wen maꞌato totāt ahū Marburg e hap miꞌi hawyi ikuꞌuro ne’i.

KAT ASOM WEMOHEREP HARIA PUO PYI WATEHAꞌAT KUAP. Sese ahū koꞌi ipaharaꞌi rakaria tuwesytpok wuatꞌi puo mesūwat yi oktān. Kotā̃ e hap. Ahū hap koꞌi okpyhy AIDS e hap tuberculose e hap hawyi malária e hap. Ano 2004 pe typyꞌi kahato iꞌatukuꞌuro raꞌyn meig̃muewat ahū hap koꞌi kaipyi. 10,7 milhões mītꞌīn iꞌatukuꞌuro ra’yn. Kotā̃ e hap. Etimorānia 3 segundo kape turān wentup mīt ikuꞌuro raꞌyn meig̃muewuat ahū hap koꞌi kaipyi.

KAN IRANIAꞌĪN TEꞌERUWANENTUP. — Mītꞌīn teꞌeruwemotypyꞌi kahato mesūwat yi oktān miꞌi pote ahū koꞌi taꞌatuhytpok kahato wuatꞌi puo iꞌatuꞌe.

IꞌATUWANENTUP HAP PȲWO ASOM. Mītꞌīn teꞌeruwemotypyꞌi kahato maꞌato ahū etiat wemūꞌe haria taꞌatupuenti raꞌyn poꞌog̃ mohag̃ ahū koꞌi mog̃ hamo saꞌawyꞌi wuat kai. Miꞌi kaipyi asom ahū koꞌi teꞌeruwemoherep poꞌog̃ kuap te. Ȳtꞌi. Maꞌato teꞌeresytpok poꞌog̃ wuatꞌi puo neꞌi.

AIKOTĀ̃ ETIPUENTI. Aikotā̃ Tupana Ehay henoi raꞌyn hap ewy mītꞌīn hoꞌopot kahato asom ahū koꞌi ipaharaꞌi rakaria pono.

Tyry e hap koꞌi sȳꞌat hap hawyi ahū hap koꞌi tiꞌatuꞌauka typyꞌi kahato. Maꞌato iraniaꞌīn hoꞌopot kahato mītꞌīn saꞌag̃ nug̃ haria minug̃ koꞌi kaipyi. Kotā̃ e hap. Mītꞌīn eropat haria waku taꞌatueropat mītꞌīn maꞌato ȳt taꞌatunug̃ꞌi. Miꞌiria taꞌatuhoꞌomosoꞌopot iraniaꞌīn. Etikuap poꞌog̃ hamo kat asom Tupana Ehay henoi miꞌi hap etiat.

[Miwan hit yi kawiat]

a Marburg ti aikotā̃ ahū ebola e hap ewy.

[Miwan ko’i]

— Ireãu tiꞌauka mīt pote ȳt nakuꞌi kahato. Miꞌi hap ewy mītꞌīn iku’uro neꞌi ahū ipaharaꞌi rakat pono. Ȳt nakuꞌi kahato wy. — AHŪ KOꞌI SYTPOK HAP ETIAT WEMŪꞌE HAT MICHAEL OSTERHOLM.

[Iaꞌag̃kap etiat]