Kat hap asom etikuap Tupana hap etiat.

Meikowat popera ti ȳt kat saꞌupꞌi. Mesūwat yi oktān uruhoꞌomūꞌe Tupana Ehay ete ȳt kat saꞌup upiꞌi. Popera koꞌi taꞌatunug̃ mij̃um koꞌi dinheiro koꞌi puo pyi. Urupowȳro terān mote erēke kuap donate.jw.org pe. Meikowat popera pe torānia Tupana Ehay piat e hap koꞌi Tupana Ehay Satere Mawe Pusu Puo pyi.

MEIKOWAT POPERA A Sentinela Tupana Ieuwa Morekuat mowato. Miꞌi yn poꞌog̃ mesūwat yi oktān Morekuat. Tupana Ehay piat sehay wakuat koꞌi puo pyi toimomperupꞌi mītꞌīn. Tohenoi Tupana Morekuat atipy pe raꞌyn morekuat no hap hawyi mesup tan epote mesūwat yi tote morekuat no hamuat hap wy. Miꞌi yn imomã hamuat saꞌag̃ koꞌi wȳwo hap hawyi toimompakup hamuat mesūwat yi Nusuken wo. Meikowat popera epowȳro hamo etimohey Iesui ete hamo kat pote Iesui ikuꞌuro aheig̃neꞌen wuatꞌi eꞌāt piat sāt hamuat iꞌewȳte Morekuat no raꞌyn atipy pe. Anu 1879 pyi urutunug̃ tuereto meikowat popera A Sentinela. Ȳt tohenoiꞌi mesuwarotiaria morekuaria minug̃ koꞌi etiat maꞌato tohenoi Tupana Ehay etiat yn.