Kat Pote Asom Etikuap Tupana Etiat Waku Kahato Epe Te Hamo.

Mesūwat popera puo pyi aipowȳro watikuap uwe Tupana sēse hap. Iꞌewȳte meikowat popera puo pyi watikuap taꞌyn Tupana set Ieuwa e hap. Hawyi watikuap taꞌyn iwat poꞌog̃ wakuap rakat woꞌokyꞌe hap. Watikuap taꞌyn kat Tupana tunug̃ raꞌyn hap iꞌewȳte kat tutunug̃ hamuat re aheupi hap. Maꞌato hoꞌokup kahato te watikuap Tupana etiat hamo. Kat pote asom Tupana kuap uhepiat hap waku uhepe te hamo ere.

Etikat Tupana kuap hap pote etipuenti hamo. (1 Koronika 28:9) Pȳwo etikatꞌi katꞌi Tupana pote iꞌewȳte etikuap hetiat hawyi Ieuwa wyꞌok sēse wo ereig̃neꞌen hamo. (Saumu 25:14, TNM) Ieuwa wyꞌok wo ereig̃neꞌen hap upi sēse epoitȳro hamo. Erehaꞌat pyno.

Ewepīt sēse hamo. Tupana Ehay henoi — Ieuwa iwepīt kahato rakat. (1 Timoteu 1:11, TNM) Pyno Tupana wyꞌok wo ereig̃neꞌen hap iꞌewȳte ehaꞌag̃ iwat wakuat koꞌi hap epowȳro ewepīt sēse hap wȳwo ereig̃neꞌen hamo. (Saumu 33:12) Miꞌi hap epowȳro yne hap ete hamo ȳt eremosoꞌopotꞌi poꞌog̃ hamo. Iꞌewȳte irania wȳwo eweikupteꞌen wentup ewy yn hamo miꞌi pote ewepīt sēse hamo. Hawyi erewanentup hawe kotā̃ ere hamo uhepiat emohey hap ti uinug̃ waku pe ewȳwo ere hamo. — Saumu 73:28.

Ieuwa eropat hamo. Ieuwa toꞌe tomontypot haria pe — Atimoherep muap epe aikowo waku ereto hamuat. Miꞌi upi ti aru woroporereto e. (Saumu 32:8) Wentup tewoꞌi Ieuwa teropat temītꞌīn. Iꞌewȳte tutum iꞌatuwat ȳt katꞌi rakat. (Saumu 139:1, 2) Karāmpe Ieuwa wyꞌok wo sēse ereig̃neꞌen hawyi etikuap hamo Ieuwa karāmpeꞌi eꞌatoiat hamo hap.

Ereig̃neꞌen wuatꞌi eꞌāt pe hamuat. Ieuwa epowȳro kuap etikuap hamo kat waku etunug̃ ewepīt sēse korā̃ pyi raꞌyn hap iꞌewȳte wuatꞌi eꞌāt piat hamo. (Isaia 48:17, 18) Tupana Ehay toꞌe — Mītꞌīn ekuap En Tupana pȳwuat rakat kuap haria wo iꞌewȳte emipoꞌoro kuap haria wo hawyi wuatꞌi eꞌāt piat g̃upteꞌen haria wo teꞌeropyhuꞌat e. (Iuwãu 17:3) Korā̃ niatpo kahato maꞌato Tupana piat aru e hap koꞌi aimoesaika kahato aikotā̃ aikytyt iheg̃ me kahato rakat hap ewy. — Epereu 6:19.

Meig̃muewuat wakuat koꞌi ti aipowȳro watikuap terān poꞌog̃ Tupana etiat hap hawyi iwyꞌok wo watoig̃neꞌen hamo. Maꞌato toig̃ poꞌog̃ aipoitȳro hap koꞌi hamuat. Etikuap terān poꞌog̃ miꞌi hap etiat pote ehay kuap Ieuwa Ehay Enoi Hat wȳwo sio ereke kuap site jw.org pe.