WEMŪꞌE HAP POPERA | KAT POTE ASOM WAKU ATIꞌYWOPORO TE UHEIG̃NEꞌEN HAP.
1 Tokosap kuap epiat hoꞌopot hap koꞌi
Miꞌi pote ȳt karāmpe seseꞌi putꞌokꞌe haꞌag̃ hap ehete poꞌog̃ he- saika eikai katupono areig̃neꞌen eiwȳwo eimoesaika hamo ehaꞌag̃ hap pupi e. (1 KURINTIU 10:13)
Mītꞌīn teꞌeruwanentup hawe — Uhepiat hoꞌopot hap koꞌi atimomã terān iꞌatuꞌe. Miꞌi pote teꞌeruweꞌauka terān maꞌato meig̃muewat hoꞌopot hap koꞌi tokosap hamuat pykai. — Erehaꞌat o miwan Kotā̃ e hap Tupana Ehay henoi Ieuwa Mohey Haria etiat wy e hap.
Maꞌato epiat hoꞌopot hap koꞌi wȳwo ȳt etimomã kuapꞌi pote. Waku erenentup koityꞌi wuat raꞌyn uhetiat niatpo hap koꞌi paĩ an ere kuap. Miꞌi pote Iesui toꞌe — Pyno ȳt nakuꞌi eiwanentup mug̃kiꞌite wuat niatpo aru eiꞌe hap kape neꞌi maꞌato waku eiwanentup koityꞌi wuat raꞌyn niatpo hap kape yn waku. Katupono ȳt nakuꞌi watuwanentup mug̃kiꞌite wuat niatpo hap kape koityꞌi. (Mateu 6:34)
Miꞌi pykai niatpo hap ēte toig̃neꞌen ne pote kotā̃ e hap sio eꞌahū sio eꞌaito sio eharyꞌi atoiat pote sio iraniaꞌīn ewyriaꞌīn iꞌatukuꞌuro pote.
Miꞌi turān kan etunug̃ kuap. Etiꞌywyk kuap ewanentup saꞌag̃ hap koꞌi. Meig̃muewat niatpo hap koꞌi kape ȳt erewanentup kahato teiꞌo. Erewanentupꞌi pote ewepīt kahato hamo ereig̃neꞌen. (Porowepiu 15:15) Miꞌi hap epowȳro hamo niatpo hap wȳwo ereig̃neꞌen hamuat hap. Miꞌi pote ȳt ereꞌauka terānꞌi poꞌog̃ hamo. Miꞌitā̃ etunug̃ mote ewanentup saꞌag̃ koꞌi hap ȳt katꞌi poꞌog̃ hamuat. (Io 2:10)
HAꞌAG̃KAP WUO AHENOI HAMO Uꞌi nug̃ hap mōtꞌi kahato iꞌewȳte niatpo kahato saꞌag̃ miꞌi hap ewy karāmpe ēte putꞌokꞌe niatpo hap koꞌi hawyi erenentup kuap meig̃muewat koꞌi uhetiat niatpo hap koꞌi tokosap hamuat pykai ere. Mug̃kiꞌite poꞌog̃ waku hamo ere. Miꞌitā̃ etunug̃ mote meig̃muewat niatpo hap koꞌi tokosap hamo.
KORĀ̃ KAN WAKU ETUNUG̃ Aikotā̃ ētiat niatpo hap koꞌi ro ehenoi ro iraniaꞌīn ewyriaꞌīn me sio emikyꞌe rakat mīt pe. Miꞌi mīt epowȳro hamo ewanentup hap koꞌi nug̃ waku puo hamo. (Porowepiu 11:14)