WEMŪꞌE HAP 5
Kat hamo asom mesūwat yi Tupana tunug̃.
1. Kat hamo asom mesūwat yi Tupana tunug̃.
Mesūwat yi tutunug̃ mītꞌīn weig̃neꞌen hamo. Saꞌawyꞌi wuat Tupana tunug̃ ihaig̃nia Atãu ti hawyi haryporia Ewa tukupteꞌen sej̃am ikahu kahato rakat rote Eteĩ e hap tote hamo. Ieuwa tiꞌatukyꞌesat kahato Atãu hawyi Ewa iꞌewȳte imempytꞌīn tukupteꞌen mesūwat yi tote wuatꞌi eꞌāt piat hamuat hap. (Ienesi 2:15-17) Miꞌi pote Tupana tunug̃ mesūwat yi aiweig̃neꞌen hamo. Maꞌato tutunug̃ anjo koꞌi tukupteꞌen atipy pe yn hamo.— Io 38:4, 7.—Etimowempāp o Saumu 37:29; 115:16.
Nusuken e hap saꞌawyꞌi ȳt iwatoꞌi miꞌi pote Atãu hawyi Ewa taꞌatumempytꞌīn wȳwo taꞌatumowato irane Nusuken wo mesūwat yi hawyi mītꞌīn teropat irane hamo mesūwat yi Nusuken wo. (Ienesi 1:28) Karāmpe hamoꞌi mesūwat yi Tupana timomã. Maꞌato tutunug̃ mesūwat mytȳp wuatꞌi eꞌāt piat aheig̃neꞌen hamo.—Etimowempāp o Saumu 104:5.
Erehaꞌat o pyno video Kat hamo asom mesūwat yi Tupana tunug̃ e hap kape
2. Kat pote asom mesūwat yi Nusuken wo ite.
Kat pote Atãu hawyi Ewa ȳt tihaymoheyꞌi Tupana. Miꞌi pote Tupana tiꞌatuporenõꞌẽ raꞌyn Nusuken note pyi. Miꞌi pote ȳt teꞌeraꞌaipok kuapꞌi poꞌog̃ Nusuken kape. Miꞌi hawyi Nusuken e hap tuweityk taꞌyn. Tupana Ehay henoi – Mesūwat yi tote toig̃ kahato raꞌyn mītꞌīn saꞌag̃ nug̃ haria e. — Ienesi 6:5.—Etimowempāp o Ienesi 3:23, 24.
Maꞌato Tupana tikyꞌesat re asom mītꞌīn kupteꞌen Nusuken notiat hap. Miꞌitā̃ ne. Tupana torānia kawiat hesaika rakat. Torānia toꞌe hap koꞌi tutunug̃ yne hamo. (Isaia 45:18) Mītꞌīn ti tukupteꞌen hamuat re mesūwat yi Nusuken note wuatꞌi eꞌāt pe aikotā̃ Tupana tikyꞌesat raꞌyn Atãu hawyi Ewa kupteꞌen wuatꞌi eꞌāt piat hap ewy.—Etimowempāp o Saumu 37:11, 34.
3. Karāmpe aru mesūwat yi Nusuken wo.
Atipy tote pyi Iesui mītꞌīn porekuatno hamo toig̃neꞌen. Miꞌi hawyi toimompakup hamuat mesūwat yi Nusuken wo. 1 miu anu turān toipyhik hamo ahiag̃. Tupana Ehay henoi Iesui anjo koꞌi wȳwo taꞌatumomã hamuat mītꞌīn ȳt Tupana mikyꞌesat nug̃ꞌi haria. Miꞌi wuꞌuka hap set Amaketu e. Iesui ȳt tiꞌatumomã hamoꞌi Tupana mikyꞌesat nug̃ haria. Maꞌato toiꞌatukawiano hamo hawyi tukupteꞌen hamuat wuatꞌi eꞌāt pe mesūwat yi Nusuken note.—Etimowempāp o Iesui Aru E Hap 20:1-3; 21:3, 4.
4. Karāmpe aru hoꞌopot hap koꞌi Tupana timomã.
Karāmpe aru hoꞌopot hap koꞌi wȳwo Tupana timomã hawyi saꞌag̃ koꞌi wȳwo. Iesui henoi aikotā̃ aikotā̃ neꞌi aru mesūwat yi tote tuwemoherep e saꞌag̃ koꞌi momã hap eꞌyj̃an mete e. Miꞌi hap ewy ti raꞌyn korā̃ toig̃ kahato saꞌag̃ koꞌi. Miꞌi hap koꞌi timoherep saꞌag̃ koꞌi momã hap eꞌāt pyaꞌi raꞌyn hap.—Etimowempāp o Mateu 24:7-14, 21, 22; Maku 13:3-8.
Atipy tote pyi Iesui Morekuatno hamo mesūwat yi tote 1 miu anu turān. Miꞌi turān toimomã yne hamuat hoꞌopot hap koꞌi wȳwo. (Isaia 9:6, 7; 11:9) Iꞌewȳte Tupana kyꞌe haria miꞌaparap koꞌi Iesui tiꞌaporok hamo raꞌyn. Ieuwa tiꞌaira Iesui hoꞌopot hap koꞌi momã hamo. Miꞌi pote katꞌi poꞌog̃ hamuat ahū mōro hap iꞌewȳte g̃uꞌuro hap.—Etimowempāp o Isaia 25:8; 33:24.
5. Uweꞌīn aru tukupteꞌen mesūwat yi Nusuken note.
Ieuwa Montypot Yat tote etipuenti hamo Tupana kyꞌe haria iꞌewȳte ikuap terān haria wy.
Tupana mikyꞌesat nug̃ haria yn hamo tukupteꞌen Nusuken note. (1 Iuwãu 2:17) Iesui toꞌe topotmūꞌeria pe ewehoꞌokat o Tupana kuap terān haria hawyi o ewehoꞌomūꞌe Tupana ete e. Typyꞌi kahato raꞌyn teꞌeremūꞌe Tupana Ehay ete. (Sawunia 2:3) Ieuwa Ehay Enoi Haria teꞌeruwaꞌatunug̃ tuereto Ieuwa Montypot Yat pe. Itote taꞌatumontypot Tupana hawyi teꞌeruwemūꞌe aikotā̃ me waku poꞌog̃ tukupteꞌen ȳwot nyꞌīn seꞌaito seharyꞌi mempytꞌīn hap etiat. Taꞌatukuap Tupana Ehay pe hawyi iꞌatuwepīt kahato tukupteꞌen.—Etimowempāp o Mikeia 4:1-4.