WEMŪꞌE HAP 11
Kat asom waku etunug̃ Tupana Ehay mowempāp hap epowȳro kuap poꞌog̃ hamo.
Moꞌopuo ereꞌuꞌi nug̃ terān maꞌato uꞌi nug̃ hap mōtꞌi kahato iꞌewȳte niatpo kahato wy. Miꞌi pote etunug̃ terān kahatoꞌi. Maꞌato niatpoꞌi hamo kurin upi kurin upi etunug̃ hamo. Miꞌi hap ewy Tupana Ehay mowempāp hap ete. Moꞌopuo erewanentup kat asom waku atunug̃ atimowempāp tuereto Tupana Ehay hamo. Mesūwat wemūꞌe hap puo pyi watikuap hamo kat asom waku etunug̃ etipuenti waku kahato Tupana Ehay mowempāp hamo iꞌewȳte eremūꞌe terān poꞌog̃ hamo Tupana Ehay ete hamo hap.
1. Kat pote asom waku etimowempāp teto Tupana Ehay.
Mīt timowempāp tuereto Tupana Ehay pote iꞌewȳte toikatꞌi katꞌi kahato Tupana woꞌonãpin hap pote iwepīt kahato hamo iꞌewȳte waku pe toig̃neꞌen hamo. (Etimowempāp o Saumu 1:1-3.) Etimowempāp tuereto Tupana Ehay hamo etimowempāp kuap wuatꞌi eꞌāt pe kurin upi kurin upi hawyi etikuap poꞌog̃ Tupana Ehay pote etimowempāp terān poꞌog̃ hamo Tupana Ehay.
2. Kat asom waku etunug̃ Tupana Ehay mowempāp hap epowȳro kuap poꞌog̃ hamo.
Tupana Ehay mowempāp hap epowȳro kuap poꞌog̃ hamo etimowempāp kahu hawyi waku erewanentup emimowempāp kape. (Iusue 1:8) Miꞌi pote waku kahato etimowempāp kahu hawyi erewanentup kan miꞌi hap uimūꞌe Ieuwa etiat ere. Kat asom waku atunug̃ mesūwat Ieuwa woꞌonãpin hap ewy atunug̃ hamo ere. Mesūwat uimimowempāp puo pyi aikotā̃ me asom atiꞌatupowȳro kuap iraniaꞌīn mītꞌīn ere.
3. Epohepapꞌi wen maꞌato kat asom waku etunug̃ etimowempāp tuereto Tupana Ehay hamo.
Iraniaꞌīn teꞌeruwanentup hawe — ȳt uipohepapꞌi pote niatpo kahato atimowempāp Tupana Ehay hamo iꞌatuꞌe. Epe apo Tupana Ehay mowempāp hap niatpo wy. Maꞌato Tupana epowȳro kuap poꞌog̃ wakuat airo hamo. (Wiripu 1:10) Miꞌitā̃ mote etiꞌaira hamo waku rakat etimowempāp tuereto yn Tupana Ehay hamo. Etimowempāp kuap Tupana Ehay ihatꞌok puo ikatꞌi turān sio wantym muo. Iraniaꞌīn tipuenti waku kahato taꞌatumowempāp Tupana Ehay hunner te teꞌeruwehymūt kahu hawyi. Iraniaꞌīn imowempāp ikatꞌi turān teꞌerenuk kahu hawyi iꞌewȳte iraniaꞌīn taꞌatuket hap eꞌyj̃an mete. Hawyi en.
EREWANENTUP O ETIKUAP POꞌOG̃ HAMO
Etikuap hamo kat waku etunug̃ etimowempāp terān poꞌog̃ Tupana Ehay hamo hap. Etikuap hamo kat asom waku etunug̃ hotꞌokꞌe etikuap poꞌog̃ meikowat popera etiat eremūꞌe hap.
Karāmpiatꞌi emisuꞌu miꞌu ehaꞌag̃ hawyi ehuꞌu hit tuereto pote ehekuap hawyi erepokuap hamo raꞌyn. Miꞌi hap ewy etimowempāp tuereto Tupana Ehay pote erepokuap hawyi waku kahato etipuenti hamo.
4. Kan waku etunug̃ tuereto etimowempāp terān poꞌog̃ Tupana Ehay hamo.
Niatpo kahato asuwe Tupana Ehay mowempāp tuereto hap. Maꞌato Tupana Ehay mowempāp hap waku watikyꞌesat kahato. Miꞌi hap aikotā̃ karāmpiatꞌi miꞌu wahaꞌag̃ hap ewy. Maꞌato wahaꞌag̃ tuereto pote he hamo watipuenti watuwepokuap hamo raꞌyn. Miꞌi hap ewy Tupana Ehay mowempāp hap. Eweimowempāp o 1 Peteru 2:2. Miꞌi hawyi eiwoꞌoꞌehay o apoꞌe hap etiat.
Etimowempāp wuatꞌi eꞌāt pe Tupana Ehay pote epowȳro hamo asom etimowempāp poꞌog̃ poꞌog̃ terān hamo.
Ewetehaꞌat pyno VÍDEO kape. Miꞌi hawyi eweikuap hamo kat iraniaꞌīn tunug̃ taꞌatumowempāp poꞌog̃ terān Tupana Ehay hamo hap. Miꞌi hawyi apoꞌe hap koꞌi ete eiwoꞌoꞌehay.
Vídeo puo pyi kat poteig̃ iꞌatuete niatpo Tupana Ehay mowempāp tuereto hamo.
Maꞌato kan iꞌatupowȳro taꞌatuꞌywoporo tuereto Tupana Ehay mowempāp hamo hap.
Taꞌatumowempāp terān kahato poꞌog̃ Tupana Ehay hamo kat koꞌi eig̃ taꞌatunug̃.
Epowȳro poꞌog̃ hamo
Etiꞌaira kuap Tupana Ehay niatpoꞌi rakat etimowempāp hamo. Etikuap kahato português pusu pote etimowempāp kuap Tupana Ehay Tradução do Novo Mundo e hap.
Saꞌawyꞌi etimowempāp kuap emimowempāp terān Tupana Ehay piat. Erehaꞌat o quadro Tupana Ehay mowempāp wuatꞌi eꞌāt piat e hap.
Mej̃umpe ete atimowempāp Tupana Ehay ere hawyi etiwan kuap etiwāureꞌi pupi. Miꞌi hamo waku erehaꞌat quadro Etikuap te aj̃umpe pyi etimompytuꞌu Tupana Ehay mowempāp hap e hap.
Eremūꞌe kuap aplicativo JW Library® puo pyi. Miꞌi hap puo pyi etimowempāp kuap Tupana Ehay sio erenentup kuap ecelular pe etablet pe sio ecomputador pe.
Etikuap poꞌog̃ hamo erehaꞌat kuap apêndice e hap koꞌi kape Tradução do Novo Mundo e hap tote. Miꞌi tote toig̃ iaꞌag̃kap koꞌi muap set koꞌi wȳwuat popera tabela e hap iꞌewȳte kat e terān sehay Tupana Ehay piat e hap tohenoi.
5. Kat hap koꞌi asom waku etunug̃ meikowat popera ete eremūꞌe hap eꞌyj̃an mete.
Eweimowempāp o Saumu 119:34. Miꞌi hawyi eiwoꞌoꞌehay o apoꞌe hap etiat.
Kat pote asom waku ehentup etimowempāp Tupana Ehay hap eꞌyj̃an mete iꞌewȳte eremūꞌe mesūwat popera hap eꞌyj̃an mete.
Aikotā̃ me asom epowȳro kuap poꞌog̃ mesūwat popera etiat ewemūꞌe hap. Meikowat popera ete eremūe hap eꞌyj̃an mete waku eremūꞌe eweran. Miꞌi turān o
Waku etimowempāp miwan koꞌi wemūꞌe hap piat saꞌawyꞌi wuat.
Waku etimowempāp Tupana Ehay piat e hap koꞌi. Miꞌi hawyi etikuap poꞌog̃ hamo kat pote miwan me heremo Tupana Ehay piat e hap koꞌi.
Waku etikat iwesat hap koꞌi. Etipuenti hawyi waku etiꞌywit iwesat hap koꞌi caneta wo. Miꞌi hap epowȳro kahato hamo eiwoꞌoꞌehay poꞌog̃ wemūꞌe hap etiat emūꞌe hat wȳwo hamo.
Etikuap taꞌyn apo.
Ieuwa Ehay Enoi haria teꞌeremūꞌe kahato raꞌyn Tupana Ehay koꞌi ete. Maꞌato uruipuenti waku poꞌog̃ Tradução do Novo Mundo da Bíblia Sagrada e hap kat pote waku kahato poꞌog̃ ȳt niatpoꞌi poꞌog̃ iꞌewȳte toig̃ Tupana set sese Ieuwa e hap. — Erehaꞌat o site piat Tuweupi asom Ieuwa Ehay Enoi Haria eTupana Ehay e hap.
IRANIAꞌĪN TEꞌEROꞌE Niatpo kahato aremūꞌe Tupana Ehay ete hamo. Uipohepapꞌi uisera kahato pote iꞌatuꞌe
Aikotā̃ etipuenti miotā̃ iꞌatuꞌe hap.
WATUWEMŪꞌE RAꞌYN
Tupana Ehay etiat ewemūꞌe hap epowȳro hamo waku eremūꞌe hap eꞌyj̃an mete etiꞌaira karāmpe etimowempāp kuap Tupana Ehay hap iꞌewȳte waku ehentup etikuap poꞌog̃ emimowempāp koꞌi hamo.
Hotꞌokꞌe te asom
Kan waku etunug̃ etikuap poꞌog̃ Tupana Ehay etiat hamo.
Aikotā̃ etipuenti karāmpe asom waku poꞌog̃ epe eremūꞌe Tupana Ehay etiat eweran tuereto hamo.
Eremūꞌe hap eꞌyj̃an mete kat pote asom waku eremūꞌe kahato meikowat popera ete.
ETIKUAP TERĀN POꞌOG̃ POTE
Etikuap hamo aikotā̃ me etimowempāp terān poꞌog̃ kuap Tupana Ehay hap.
Kan waku etunug̃ etimowempāp terān poꞌog̃ Tupana Ehay hamo. (A Sentinela, n.º 1 de 2017)
Etikuap hamo kat epowȳro kuap etimowempāp terān poꞌog̃ Tupana Ehay hamo.
Etikuap hamo kat waku etunug̃ etimowempāp terān tuereto Tupana Ehay hamo hap.
Erehaꞌat pyno iraniaꞌīn haꞌawyte pyi raꞌyn taꞌatumowempāp Tupana Ehay. Iꞌatuꞌe hap ewy etunug̃ kuap epowȳro hamo.