Kat asom epowȳro kuap etiꞌywoporo ewemūꞌe hap Tupana Ehay etiat hamo hap.

Poꞌog̃ waku mīt temūꞌe Tupana Ehay ete. Miꞌi hap waku kahato maꞌato asuwe niatpo saꞌag̃ miꞌi hamo. Miꞌi pote erewanentup kuap aremūꞌe te asom waku Tupana Ehay ete ere. Maꞌato kat pote asom waku etiꞌywoporo te ewemūꞌe Tupana Ehay etiat hap. Niatpo etiat pykai maꞌato kat asom epowȳro kuap etiꞌywoporo hamo.

1. Kat hamo asom Tupana Ehay etiat ewemūꞌe hap epowȳro kuap.

Hesaika kahato Tupana Ehay aimoehaig̃te hap nug̃ hamuat aiwanentup hawe. (Epereu 4:12) Aiwemūꞌe Tupana Ehay etiat hap aipowȳro kuap kahato kat pote miꞌi hap puo pyi watikuap hamo Tupana wanentup hap koꞌi iꞌewȳte aikyꞌe kahato hap. Emoweꞌeg̃ hamo iꞌewȳte emikuapꞌi koꞌi ete Tupana Ehay epowȳro hamo iꞌewȳte erewanentup Tupana Ehay piat aru e hap koꞌi kape hamo wy. Maꞌato epowȳro poꞌog̃ hamo Ieuwa wyꞌok wo ereig̃neꞌen poꞌog̃ hamo. Tupana Ehay hesaika kahato miꞌi pote karāmpe eremūꞌe tuereto Tupana Ehay ete pote waku poꞌog̃ hamo eꞌieig̃neꞌen hap.

2. Kat pote asom waku watikuap Tupana Ehay aikotā̃ uru ewy hap.

Tupana Ehay piat pȳwuat e hap koꞌi ti aikotā̃ uru ewy. Miꞌi pote Tupana Ehay waku etikyiat pȳwo sese rakat e. (Porowepiu 23:23) Karāmpe watikuap taꞌyn pȳwuat e hap Tupana Ehay piat koꞌi aikotā̃ uru ewy hap hawyi watiꞌywoporo poꞌog̃ terān aiwemūꞌe Tupana Ehay etiat hap aikotā̃ niatpo pykai maꞌato watuwemūꞌe hamo. — Etimowempāp o Porowepiu 2:4, 5.

3. Aikotā̃ me asom Ieuwa epowȳro kuap etiꞌywoporo eremūꞌe tehay etiat hamo.

Ieuwa ewyꞌok kahato Yne Nug̃ Hat iꞌewȳte Hesaika Kahato Rakat miꞌi pote ekuap kahato poꞌog̃ torānia kai miꞌi. Iꞌewȳte miꞌi hap ynꞌi maꞌato epowȳro terān poꞌog̃ poꞌog̃ tokuap hap ete. Miꞌi pote Ieuwa epowȳro kuap perupꞌi popuo etunug̃ o etunug̃ o e. Miꞌi hawyi waku watoꞌe. Iꞌewȳte Tupana tum kahato saika hap epe. (Etimowempāp o Wiripu 2:13; Isaia 40:29.) Miꞌi pote epopapꞌi eremūꞌe Tupana Ehay ete hamo sio aikotā̃ emūꞌe hap ewy etunug̃ hamo niatpo kahato pote Ieuwa epowȳro kuap. Niatpo kahato raꞌyn uhete uhesaikaꞌi raꞌyn niatpo hap akit hamo ere pote maꞌato ȳt pya hinꞌi Ieuwa toig̃neꞌen ekai epowȳro hamo. Ehentup kahato mowȳro hap Ieuwa kape etiꞌywoporo eremūꞌe Tupana Ehay etiat hamo hap. — 1 Tesaronika 5:17.

EREWANENTUP O ETIKUAP POꞌOG̃ HAMO

4. Etimoherep kuap ewemūꞌe Tupana Ehay etiat hap poꞌog̃ waku iraniaꞌīn kai kap

Asuwe kat koꞌi kat koꞌi neꞌi watunug̃ miꞌi pote watuwanentup kuap aikotā̃ me kuapꞌi aremūꞌe Tupana Ehay ete uipohepapꞌi tupono awatoꞌe kuap. Maꞌato kat asom epowȳro kuap. Eweimowempāp o Wiripu 1:10. Miꞌi hawyi apoꞌe hap koꞌi ete eiwoꞌoꞌehay.

• Ewanentup hawe aikotā̃ etipuenti kat koꞌi hag̃ poꞌog̃ waku torānia kai epe.

• Aikotā̃ me asom etimoherep kuap Tupana Ehay etiat ewemūꞌe hap poꞌog̃ waku iraniaꞌīn kai hap.

1. Yi kyt ri etopan balde pe pote nu koꞌi ȳt tuwehytꞌok yne hamoꞌi.

2. Maꞌato ehytmoig̃ nu koꞌi ti balde pe pote yi kyt koꞌi tuwehytꞌok yne irane hamo balde pe. Miꞌi hap ewy etiꞌaira poꞌog̃ waku rakat ri pote etunug̃ kuap hamo iraniaꞌīn kat koꞌi wy.

Tupana ainug̃ tokuap hawyi tomontypot hamo miꞌi pote watukupteꞌen kuap imikyꞌesat nug̃ hap kaipyi yn miꞌi pote waku watuwemūꞌe Tupana Ehay ete. Eweimowempāp o Mateu 4:4. Miꞌi hawyi eiwoꞌoꞌehay o apoꞌe hap etiat.

• Tupana Ehay etiat aiwemūꞌe hap poꞌog̃ waku watipuenti iraniaꞌīn kai pote aikotā̃ me hamo Ieuwa aipoitȳro.

5. Ȳt reiꞌo iꞌatuꞌe pote ȳt kat hamoꞌi epohep ewemūꞌe Tupana Ehay etiat hap ete

VÍDEO: Toiꞌywoporo hap upi Tupana tipoitȳro kahato (5:22)

• Vídeo puo pyi karāmpe Francesco henoi towyꞌokria pe hawyi toty pe tuwemūꞌe Tupana Ehay ete hap hawyi aikotā̃ teꞌeropyhuꞌat.

• Francesco tiꞌywoporo tuwemūꞌe Tupana Ehay ete hap. Miꞌi hap puo pyi aikotā̃ meig̃ Tupana tipoitȳro.

Eweimowempāp o 2 Timoteu 2:24, 25. Miꞌi hawyi apoꞌe hap koꞌi ete eiwoꞌoꞌehay.

• Aikotā̃ ewyriaꞌīn hawyi ewyꞌokria tipuenti ewemūꞌe Tupana Ehay etiat hap.

• Mesūwat hag̃a hit koꞌi puo pyi kat asom waku etunug̃ ȳt iꞌatuweseꞌi eremūꞌe Tupana Ehay etiat pote. Kat pote asom miꞌi hap waku etunug̃.

6. Etimohey o Ieuwa ete epowȳro hamo miꞌi

VÍDEO: Watekoꞌywyk hamo Ieuwa aipowȳro (3:56)

• Vídeo puo pyi kat koꞌig̃ tominug̃ saꞌag̃ koꞌig̃ Jim toiat Ieuwa mikyꞌesat nug̃ imowepīt hamo.

• Tuwekoꞌywyk hap etiat Jim henoi. Kat hag̃ etipuenti poꞌog̃ waku.

Eweimowempāp o Isaia 3:10. Miꞌi hawyi apoꞌe hap koꞌi ete eiwoꞌoꞌehay.

• Tokuap terān nakaria pe hawyi waku yn nug̃ haria pe. Kat eig̃ Ieuwa tum hamo iꞌatuepe.

• Aikotā̃ asom Ieuwa topyhuꞌat karāmpe tehaꞌat ewowi niatpo pykai maꞌato eremūꞌe tuereto ihay ete pote hap.

WATUWEMŪꞌE RAꞌYN

Watemūꞌe Tupana Ehay ete hap asuwe niatpo maꞌato eremūꞌe Tupana Ehay ete pote epowȳro hamo ewepīt sese hawyi ereig̃neꞌen wuatꞌi eꞌāt pe hamo. Etiꞌywoporo o etimohey Ieuwa ete hap. Miꞌi epoitȳro kahato hamo.

Hotꞌokꞌe te asom

• Kat pote asom Tupana Ehay piat pȳwuat e hap koꞌi aikotā̃ uru hap ewy epe.

• Aikotā̃ me asom etimoherep kuap Tupana Ehay etiat ewemūꞌe hap poꞌog̃ waku iraniaꞌīn kai hap.

• Kat pote asom waku ehentup Ieuwa kape mowȳro hap etiꞌywoporo ewemūꞌe Tupana Ehay etiat hamo hap.

ETIKUAP TERĀN POꞌOG̃ POTE

Etimowempāp o kat iraniaꞌīn powȳro taꞌatupohepapꞌi pykai maꞌato weꞌeg̃ hap wȳwo kat kat koꞌi taꞌatunug̃ hap.

Epohepapꞌi kahato pote kan epowȳro kuap. (Despertai!, fevereiro de 2014)

Grace eꞌaito ȳt tikuapꞌi kat pote toimontypot terān Tupana hap. Erehaꞌat pyno aikotā̃ me Ieuwa tipowȳro Grace hap.

Ieuwa aimoesaika kuap yne niatpo hap koꞌi akit hamo (5:05)

Erehaꞌat pyno aikotā̃ me haryporia tipowȳro teꞌaito ipohepꞌi temūꞌe Tupana Ehay ete hap puo pyi hap.

Atimoherep terān Ieuwa Ehay Enoi Haria imienoi iꞌatueso neꞌi hap (6:30)

Pȳwo asom Ieuwa Ehay Enoi haria ȳt toꞌoksatꞌi taꞌatuwyriaꞌīn Ieuwa Ehay Enoi haria hap wȳwoꞌi hap.

Taꞌatuwyriaꞌīn ȳt Ieuwa Ehay Enoi hariaꞌi toꞌoksat sio ȳtꞌi. (Site jw.org piat)