WEMŪꞌE HAP 27
Aikotā̃ me asom Iesui kuꞌuro hap ahehakyeraꞌat kuap.
Iꞌaparap haria aito hawyi wahoꞌopot iꞌewȳte aikuꞌuro kat pote Atãu hawyi Ewa ȳt taꞌatumontypotꞌi Tupana hap kaipyi.a Maꞌato meketā̃ hap wuatꞌi eꞌāt pe hamuat pykaiꞌi kat pote Ieuwa tipoꞌoro tosaꞌyru Iesui ahehakyeraꞌat hamo. Tupana Ehay aimūꞌe ikuꞌuro hap puo pyi Iesui hoꞌoknug̃ yne aimiꞌaparap koꞌi. Kotā̃ e hap. Mīt tiõtem terān mipyhik piat mīt. Miꞌi pote tohoꞌoknug̃ tẽtem hamo. Miꞌi hap ewy ti Iesui tunug̃ aiwȳwo. Maꞌato ken tohoꞌoknug̃ toweig̃neꞌen hap wȳwo raꞌyn. (Etimowempāp o Mateu 20:28.) Karāmpe Iesui toig̃neꞌen mesūwat yi tote turān toig̃neꞌen terān wuatꞌi eꞌāt pe mesūwat yi tote pote toig̃neꞌen kuap maꞌato tuwewi toiꞌaira tokuꞌuro hamuat hap. Miꞌi hap puo pyi ahehakyeraꞌat kuap iꞌewȳte watoig̃neꞌen kuap pakupꞌi aikotā̃ Atãu hawyi Ewa iꞌatuweig̃neꞌen hap ewy hamo. Iesui kuꞌuro hap puo pyi toimoherep aikyꞌe kahato hap iꞌewȳte Ieuwa piat aikyꞌe kahato hap. Mesūwat wemūꞌe hap epowȳro hamo ehewaku poꞌog̃ Iesui kuꞌuro hap upi hamo hap.
1. Kat hap ete asom Iesui kuꞌuro hap aipowȳro kuap taꞌyn korā̃.
Aitoria iꞌaparap kahato haria miꞌi pote watimoꞌarōt kahato tuereto Ieuwa maꞌato Iesui kuꞌuro hap puo pyi Ieuwa tiwāure kuap aimiꞌaparap koꞌi. Maꞌato toiwāure hamo paa watoꞌe kahato aipyꞌa pyi waku aiminug̃ saꞌag̃ koꞌi upi uiwepyiꞌi Ieuwa watoꞌe Iesui set upi. Miꞌi hawyi maꞌato ȳt karāmpeꞌi poꞌog̃ naꞌyn watunug̃ aiminug̃ saꞌag̃ koꞌi ewy te. Miꞌi hap watunug̃ pote Ieuwa wyꞌok wo kahato watoig̃neꞌen hamo. (1 Iuwãu 2:1) Tupana Ehay toꞌe aiminug̃ saꞌag̃ upi tohoꞌopot. Iesui hampȳk kahato rakat maꞌato ikuꞌuro ȳt hampȳkꞌi rakaria mohampȳk hamo. Ikuꞌuro muap nug̃ hamo toꞌȳwot Tupana kapiat. — 1 Peteru 3:18.
2. Kat hap ete asom Iesui kuꞌuro hap aipowȳro poꞌog̃ hamuat re.
Iesui hampȳk kahato pykai maꞌato Ieuwa tipoꞌoro iweig̃neꞌen hap j̃um mītꞌīn upiat hamo. Miꞌi pote uwe uwe imohey miꞌi haria wyti aru ȳt ikuꞌuro sēseꞌi maꞌato wuatꞌi eꞌāt pe raꞌyn iꞌatuehaig̃te hap toig̃neꞌen. (Iuwãu 3:16) Atãu ȳt tihaymontypotꞌi Ieuwa. Miꞌi hap upi toig̃ kahato saꞌag̃ hap koꞌi mesūwe. Maꞌato Iesui kuꞌuro hap puo pyi Ieuwa timomã yne hamuat raꞌyn saꞌag̃ hap koꞌi wȳwo. Watimohey kahato Iesui kuꞌuro hap ete aipyꞌa pyi pote watoig̃neꞌen kuap hamo wuatꞌi eꞌāt pe mesūwat yi nusuken note. — Isaia 65:21-23.
EREWANENTUP O ETIKUAP POꞌOG̃ HAMO
Etikuap hamo kat pote Iesui ikuꞌuro aheupi hap iꞌewȳte etikuap hamo aikotā̃ me Iesui kuꞌuro hap epowȳro kuap hap.
3. Iesui kuꞌuro hap puo pyi iꞌaparap hap pyi iꞌewȳte guꞌuro hap pyi ahehakyeraꞌat kuap
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
Atãu timontypot Ieuwa pote aikotā̃ irane eig̃ iweig̃neꞌen hap.
Eweimowempāp o Humanu 5:12. Miꞌi hawyi eiwoꞌoꞌehay o apoꞌe hap etiat.
Atãu miꞌaparap upi kat hag̃ tuwemoherep aiwȳwo.
Eweimowempāp o Iuwãu 3:16. Miꞌi hawyi eiwoꞌoꞌehay o apoꞌe hap etiat.
Kat pote asom Ieuwa tipoꞌoro tosaꞌyru tūt mesūwat yi kape hamo.
Saꞌawyꞌi Atãu hampȳk kahato rakat maꞌato ȳt toimontypotꞌi Tupana. Miꞌi hap upi torānia raꞌyn iꞌaparap haria wo tukupteꞌen iꞌewȳte iꞌatukuꞌuro wy.
Iesui hampȳk kahato rakat aikotā̃ Atãu ewy maꞌato toimontypot Ieuwa. Miꞌi hap upi torānia mītꞌīn tukupteꞌen kuap wuatꞌi eꞌāt pe hamo.
4. Iesui kuꞌuro hap torānia mītꞌīn powȳro kuap
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
Aikotā̃ meig̃ Iesui kuꞌuro hap torānia mītꞌīn ehakyeraꞌat kuap.
Eweimowempāp o 1 Timoteu 2:5, 6. Miꞌi hawyi eiwoꞌoꞌehay o apoꞌe hap etiat.
Atãu hampȳk kahato rakat ȳt iꞌaparap hap wȳwo hinꞌi toig̃neꞌen nusuken note toiꞌaparap hawyi torānia raꞌyn iꞌaparap haria wo tukupteꞌen. Atãu ewy Iesui hampȳk kahato rakat toig̃neꞌen wy. Maꞌato kat hap eig̃ Iesui tunug̃ kuap iꞌaparap haria upi.
5. Iesui kuꞌuro hap Ieuwa mij̃um epiat
Ieuwa wyꞌokria pe Iesui kuꞌuro hap poꞌog̃ waku torānia kai katupono Ieuwa mij̃um iꞌatuepiat. Miꞌi pote iꞌatuepe waku kahato. Kotā̃ e hap. Iesui potmūꞌe Pauru e hat het rakat miotā̃ e — Mesup ti koitywy Tupana saꞌyru mohey hatno yn areig̃neꞌen. Miꞌi ikuꞌuro uhupi uikyꞌe kahato haype e. (Karasia 2:20, TNM.) Korā̃ eiwoꞌoꞌehay o apoꞌe hap etiat.
Pauru tikuap Ieuwa mij̃um tepiat Iesui kuꞌuro hap. Toikuap hawyi kat e eig̃.
Karāmpe Atãu tiꞌaparap hawyi torānia raꞌyn haipepiaria ikuꞌuro rakaria wo teꞌerepyhuꞌat wy. Maꞌato Ieuwa tipoꞌoro tosaꞌyru ikuꞌuro eupiat hamo hawyi wuatꞌi eꞌāt pe kuap hamo ereig̃neꞌen.
Eweimowempāp o Iuwãu 19:1-7 hawyi 16-18. Etimowempāp turān o erewanentup kahato aikotā̃ Ieuwa topyhuꞌat karāmpe tehaꞌat tosaꞌyru hoꞌopot kahato hap kape hawyi. Miꞌi hawyi eiwoꞌoꞌehay o apoꞌe hap etiat.
Niatpo kahato Iesui pe iꞌewȳte niatpo kahato Ieuwa pe Iesui kuꞌuro hap. Miꞌi hap etikuap iꞌatuminug̃ eupiat hawyi aikotā̃ erepyhuꞌat.
IRANIAꞌĪN APOꞌIꞌATUꞌE POTE Aikotā̃ me asom wentup ok kuꞌuro hap upi yn torānia raꞌyn toiꞌatuhakyeraꞌat kuap mītꞌīn iꞌatuꞌe pote.
Kat ere aten etiꞌatuwesat.
WATUWEMŪꞌE RAꞌYN
Iesui kuꞌuro hap puo pyi Ieuwa tiwāure kuap aimiꞌaparap koꞌi iꞌewȳte Iesui kuꞌuro hap puo pyi watoig̃neꞌen kuap wuatꞌi eꞌāt pe kuap.
Hotꞌokꞌe te asom
Kat pote eig̃ Iesui ikuꞌuro.
Iesui hampȳk kahato aikotā̃ Atãu ewy maꞌato kat hap eig̃ Iesui tunug̃ kuap iꞌaparap haria upi.
Kat hap koꞌi ete asom Iesui kuꞌuro hap epowȳro kuap.
ETIKUAP TERĀN POꞌOG̃ POTE
Etikuap hamo kat pote Iesui kuꞌuro hap hoꞌoknug̃ kuap yne torānia mītꞌīn miꞌaparap koꞌi upi hap.
Etikuap hamo kat koꞌi waku watunug̃ ahehakyeraꞌat kuap hamo hap.
Iesui ahehakyeraꞌat hap. Kat e terān haype asom miotā̃ e. (Site jw.org piat)
Ieuwa tiwāure asom aimiꞌaparap poityꞌi.
Tupana Ehay etiat apoꞌe hap koꞌi iwesat hap (A Sentinela, 1.º de maio de 2013)
Etikuap hamo aikotā̃ me Iesui kuꞌuro hap toikuap hawyi ihaig̃nia powȳro tekoꞌywyk hamo.
Ȳt mītꞌīn ahyk ahyk hatnoꞌi poꞌog̃ areig̃neꞌen. (Site jw.org piat)
a Watiꞌaparap karāmpe watunug̃ saꞌag̃ koꞌi turān ynꞌi maꞌato karāmpe watunug̃ terān pykaiꞌi maꞌato iꞌaparap haria watoig̃neꞌen kat pote watõꞌẽ Atão hawyi Ewa kaipyi pote.