WEMŪꞌE HAP 54

Kat hap asom Iesui emīt imimohey kahato rakat iweꞌeg̃ kahato rakat tunug̃.

Edição impressa

Iesui ti congregação piaria akag̃ sēse toig̃neꞌen. (Ewesu 5:23) Atipy tote pyi ti Iesui tiꞌatuerohik yne mesūwat yi totiaria tomohey sēse haria. Miꞌi hap tutunug̃ temīt tomimohey kahato rakat iweꞌeg̃ kahato rakat puo pyi. (Etimowempāp o Mateu 24:45, TNM.) Iesui ti raꞌyn iꞌaira temīt wo hawyi temīt pe tutum iꞌaira kuap hap. Miꞌi pote kat koꞌi kat koꞌi Tupana montypot hap ete hemīt tiꞌaira kuap. Maꞌato toimontypot kahato te tokaꞌiwat Iesui iꞌewȳte iꞌywytꞌīn. Uwe asom Iesui emīt imimohey kahato rakat iweꞌeg̃ kahato rakat e hap. Aikotā̃ me asom miꞌi aherohik.

1. Uwe asom Iesui emīt imimohey kahato rakat iweꞌeg̃ kahato rakat e hat.

Nimo pyi ti raꞌyn Ieuwa tiꞌatuꞌaira tuereto wentup ihaig̃nia sio poꞌog̃ typyꞌi tuereto temītꞌīn nãpin hamo. (Marakia 2:7; Epereu 1:1) Iesui ikuꞌuro hawyi ipotmūꞌeria 12 ok takaria raꞌyn iꞌewȳte akag̃ koꞌi Ierusarẽi tote pyi taꞌatuhoꞌonãpin hawyi taꞌatuhoꞌopowȳro tuereto congregação piaria. (Iesui Potmūꞌeria 15:2,4) Korā̃ miꞌi hap ewy te Ieuwa tiꞌatuꞌaira iraniaꞌīn akag̃ koꞌi temītꞌīn mūꞌe hamo iꞌewȳte mesūwat yi oktā̃n Tupana Ehay enoi hap etiat erohik hamo. Miꞌiria set ri Ieuwa Ehay Enoi Haria Potyporia e. Miꞌiria ti Iesui emītꞌīn imimohey kahato rakat iweꞌeg̃ kahato rakat. Miꞌi ti Iesui tipoꞌoro meig̃muewuat motpap koꞌi nug̃ hamo. (Mateu 24:45a) Torānia Ieuwa Ehay Enoi Haria Potyporia Tupana tiꞌatuꞌaira topaꞌãu puo pyi tukupteꞌen atipy pe hamo. Miꞌi pote imiꞌairoria iꞌatukuꞌuro hawyi Iesui wȳwo hamo raꞌyn morekuat no atipy pe hamuat.

2. Aikotā̃ hap koꞌi puo pyi asom Iesui emīt tiꞌatupoi Ieuwa emītꞌīn.

Iesui emīt imimohey kahato rakat miotā̃ e — Karāmpe tekyꞌesat kahato turān aru atiꞌatupoi wuatꞌi eꞌāt pe hemītꞌīn miꞌu wo e. (Mateu 24:45b) Aikotā̃ miꞌu sēse aipowȳro kahato aipīt moesaika iꞌewȳte aimoehaig̃te hamo. Miꞌi hap ewy ti Tupana Ehay kuap hap aipowȳro watiꞌywoporo Ieuwa montypot yne aipyꞌa pyi hamo iꞌewȳte watunug̃ Iesui potpap hamo hap. (1 Timoteu 4:6) Iesui emīt aipoi Ieuwa ehay ete aiwaꞌatunug̃ hap koꞌi puo pyi iꞌewȳte waꞌatunug̃ wato Assembleia hawyi Congresso e hap koꞌi puo pyi iꞌewȳte popera koꞌi vídeo koꞌi hap puo pyi Tupana Ehay piat e hap koꞌi puo pyi wy. Meig̃muewuat koꞌi aikotā̃ miꞌu sēse hap ewy. Aipowȳro watunug̃ Tupana mikyꞌesat iꞌewȳte aimoesaika iwyꞌok wo poꞌog̃ watoig̃neꞌen hamo.

EREWANENTUP O ETIKUAP POꞌOG̃ HAMO

Etikuap hamo Iesui emīt imimohey kahato rakat iweꞌeg̃ kahato rakat e hap Ieuwa Ehay Enoi Haria Potyporia pe hap. Iꞌewȳte kat pote watikyꞌesat kahato iꞌatuepiat iꞌatupowȳro hap.

Iaꞌag̃kap koꞌi. Mesūwat yi oktān Ieuwa Ehay Enoi Haria teꞌerenetup taꞌatupotyporia woꞌonãpin hap koꞌi kape hawyi taꞌatumontypot. 1. Seꞌaito seꞌharyꞌi taꞌatumempyt wȳwo teꞌerehaꞌat Brodcasting kape. 2. Ieuwa Ehay Enoi Haria toꞌopowȳro mij̃um koꞌi taꞌatupag̃ caminhão pe. 3. Typy ok Ieuwa Ehay Enoi Haria taꞌatuhenoi Tupana Ehay etiat carrinho rampe turān. 4. Ieuwa Ehay Enoi Haria akag̃ timowempāp miwan congregação piaria pe. — Mesūwat yi oktān Ieuwa Ehay Enoi Haria Potyporia herohik Ieuwa emītꞌīn koꞌi Tupana Ehay kuap hap ete iꞌewȳte taꞌatuhoꞌonãpin hawyi kat koꞌi hap ete taꞌatuhoꞌopowȳro.

3. Ieuwa emītꞌīn waku hampȳk puo iꞌewyte waku puo teꞌeruwaꞌatunug̃

Nimo pyi ti raꞌyn Iesui tiꞌatuporereto tomohey sēse haria waku puo taꞌatuhenoi Tupana Ehay etiat hamo. Miꞌi hap ewy te korā̃ Iesui tiꞌatuporereto te Ieuwa Ehay Enoi Haria Potyporia motpap koꞌi hap waku puo taꞌatunug̃ hamo hap ete. Ewetehaꞌat pyno VÍDEO kape.

VÍDEO: VÍDEO: Ieuwa tiꞌatunug̃ temītꞌīn hampȳk puo tomontypot hamo (9:23)

Eweimowempāp o 1 Kurintiu 14:33, 40. Miꞌi hawyi eiwoꞌoꞌehay o apoꞌe hap etiat.

Mesūwat puo pyi Ieuwa tikyꞌesat asom temītꞌīn timontypot teꞌeruweran hap sio teꞌeruwaꞌatunug̃ toꞌowȳwo hampȳk waku puo hap. Kat pote miotā̃ ere.

4. Iesui emīt imimohey kahato rakat aiporereto Tupana Ehay enoi hap ete hamo

Saꞌawyꞌi wuaria Iesui mohey sēse haria pe poꞌog̃ waku rakat motpap hap taꞌatupuenti taꞌatuhenoi Tupana Ehay etiat hap. Eweimowempāp o Iesui Potmūꞌeria 8:14, 25. Miꞌi hawyi apoꞌe hap koꞌi ete eiwoꞌoꞌehay.

Uweꞌīn asom saꞌawyꞌi wuaria Iesui mohey haria erohik taꞌatuhenoi Tupana Ehay etiat hamo.
Peteru hawyi Iuwãu taꞌatumontypot asom irania Iesui Potmūꞌeria piat taꞌatupoꞌoro hap ewy.

Aipotyporia pe poꞌog̃ waku rakat motpap hap Ieuwa ehay enoi hap etiat. Ewetehaꞌat pyno VÍDEO kape.

VÍDEO: Uruikyꞌesat poꞌog̃ torānia kai Tupana Ehay enoi hap (1:24)

Iesui henoi kat pote waku wahenoi henoi Tupana Ehay etiat hap. Eweimowempāp o Maku 13:10. Miꞌi hawyi apoꞌe hap koꞌi ete eiwoꞌoꞌehay.

Kat pote asom aipotyporia tikyꞌesat poꞌog̃ torānia kai wahenoi Tupana Ehay etiat hap.
Kat pote asom watikyꞌesat Iesui emīt imimohey kahato rakat iweꞌeg̃ kahato rakat piat aipowȳro hap mesūwat yi oktān wahenoi Tupana Ehay etiat hamo hap.

5. Iesui emīt imimohey kahato rakat ainãpin

Ieuwa Ehay Enoi Haria Potyporia taꞌatuhoꞌonãpin mesūwat yi oktān Iesui mohey sēse haria. Maꞌato iunteꞌen pyi neꞌi asom taꞌatuhoꞌonãpin. Miꞌi hap etiat etikuap hamo aikotā̃ me saꞌawyꞌi wuaria Iesui mohey sēse haria potyporia tunug̃ hap etiat. Eweimowempāp o Iesui Potmūꞌeria 15:1, 2, 4. Miꞌi hawyi apoꞌe hap koꞌi ete eiwoꞌoꞌehay.

Kat pote asom saꞌawyꞌi wuaria Iesui mohey sēse haria toꞌoꞌehay wo tuꞌuka.
Uweꞌīn kape asom Pauru hawyi Panape iꞌewȳte iraniaꞌīn wȳwo teꞌeruwat mowȳro hap hentup hamo.

Eweimowempāp o Iesui Potmūꞌeria 15:12-18, 23-29. Miꞌi hawyi eiwoꞌoꞌehay o apoꞌe hap etiat.

Saꞌawyꞌi wuaria Iesui mohey haria potyporia taꞌatuꞌaira hap eꞌyj̃an mete taꞌatukuap terān kat Tupana tikyꞌesat taꞌatunug̃ hamuat hap etiat hap. Aikotā̃ me asom miꞌi hap taꞌatunug̃. — Ewetehaꞌat pyno hag̃a hit koꞌi 12, 15 hawyi 28.

Eweimowempāp o Iesui Potmūꞌeria 15:30, 31 hawyi 16:4, 5. Miꞌi hawyi apoꞌe hap koꞌi ete eiwoꞌoꞌehay.

Saꞌawyꞌi wuaria Iesui mohey haria taꞌatumontypot asom taꞌatupotyporia piat taꞌatunãpin hap.
Taꞌatumontypot woꞌonãpin hap upi. Aikotā̃ me asom Ieuwa tiꞌatupoitȳro.

Eweimowempāp o 2 Timoteu 3:16 hawyi Tiaku 1:5. Miꞌi hawyi eiwoꞌoꞌehay o apoꞌe hap etiat.

Korā̃ aikotā̃ hap puo pyi asom iꞌewȳte kat hap asom aipotyporia tunug̃ ainãpin hap eꞌyj̃an mete.

IRANIAꞌĪN TEꞌEROꞌE Etimontypot Ieuwa Ehay Enoi Haria Potyporia pote ȳt etimontypotꞌi aiꞌakag̃ sēse Iesui maꞌato etimontypot neꞌi mītꞌīn iꞌatuꞌe.

Etipȳwo asom Iesui tiꞌaira iꞌewȳte toiporereto Ieuwa Ehay Enoi Haria Potyporia ainãpin hamo hap ete hap. Kat pote miotā̃ ere.

WATUWEMŪꞌE RAꞌYN

Iesui emīt mimohey kahato rakat iweꞌeg̃ kahato rakat e hap Ieuwa Ehay Enoi Haria Potyporia pe. Miꞌiria mesūwat yi oktān taꞌatuhoꞌonãpin Iesui mohey haria iꞌewȳte taꞌatuhoꞌopoi Tupana Ehay ete hap ewy.

Hotꞌokꞌe te asom

Uwe asom iꞌaira Iesui emīt mimohey kahato rakat iweꞌeg̃ kahato rakat e hap.
Korā̃ aikotā̃ hap koꞌi puo pyi asom aipotyporia aherohik.
Etipȳwo asom Iesui emīt mimohey kahato rakat iweꞌeg̃ kahato rakat e hap Ieuwa Ehay Enoi Haria Potyporia piat hap.

Kat hap eꞌāt peig̃ eremūꞌe kahu mesūwat wemūꞌe hap.

Waku etunug̃

Waku erepokuap ehentup tuereto Ieuwa kape aipotyporia upi hap Ieuwa tiꞌatupowȳro motpap nug̃ hap ete hamo hap aikotā̃ 2 Tesaronika 3:1 piat hap ewy.

Etiwan kuap iraniaꞌīn eminug̃ wuat koꞌi terān

Iraniaꞌīn eminug̃ wuat koꞌi terān

ETIKUAP TERĀN POꞌOG̃ POTE

Etikuap hamo aikotā̃ me aipotyporia tunug̃ iꞌatupotpap hap korā̃ wuat hap.

Uweꞌīn asom aipotyporia. (Site jw.org piat)

Etikuap hamo aikotā̃ me aipotyporia piat aipoi Ieuwa ehay etiat hap pȳwo piat hap.

Ahepopera piat mienoi koꞌi pȳwo piat yne (17:18)

Aikotā̃ asom aipotyporia tipuenti Iesui piat taꞌatupoꞌoro motpap nug̃ hap etiat hap.

Uruepe urupotpap hap uruipuenti waku kahato (7:09)

Aikotā̃ hap puo pyi asom watikuap aiwaꞌatunug̃ hap iꞌewȳte aiwaꞌatunug̃ wato koꞌi hap timoherep Ieuwa tiꞌatuporereto aipotyporia hap.

Ieuwa hoꞌomūꞌe temītꞌīn (9:39)