Uruikyꞌesat kahato en Tupana Uruporekuat no hap iꞌatuꞌe — Miotā̃ iꞌatuꞌe kahato mītꞌīn hentup
Ehentup taꞌyn apo Tupana Eporekuat no hamuat hap upi. Iraniaꞌīn nimo pyi kahato raꞌyn taꞌatuhentup kahato — Uruikyꞌesat kahato ereig̃neꞌen wuatꞌi mītꞌīn akag̃ koro wo iꞌatuꞌe. Maꞌato kat pote asom miotā̃ iꞌatuꞌe taꞌatuhentup. Kat pote Iesui tiꞌatumūꞌe tomohey haria miꞌi Morekuat taꞌatuporekuat no hap upi taꞌatuhentup hamuat hap.
Saꞌawyꞌi te Iesui Potmūꞌeria tikuap yneꞌi Iesui mienoi koꞌi Tupana Morekuat etiat hap. Miꞌi pote wentup eꞌāt pe apoꞌiꞌatuꞌe — Urukaꞌiwat koitywy apo etunug̃ pakupꞌi Isareu ywania morekuat no hamo iraꞌyn sio ȳtꞌi iꞌatuꞌe. Maꞌato Iesui henoiꞌi iꞌatuepe kat eꞌāt pe sēse Tupana Morekuat ūt hamuat hap eꞌāt. (Iesui Potmūꞌeria 1:6, 7) Miꞌi pote asom ȳt watikuap kuapꞌi Tupana Morekuat etiat hap iꞌewȳte watikuapꞌi karāmpe tūt hamuat hap. Miꞌitā̃ kuap.
Meikowat popera epowȳro kahato hamo etikuap poꞌog̃ Tupana Morekuat etiat hap. Kotā̃ e hap
Aikotā̃ me aru Tupana Aiporekuat no.
Kat pote asom watikyꞌesat raꞌyn Tupana Morekuat Aiporekuat no hap.
Uwe asom Tupana tiꞌaira Aiporekuat no.
Karāmpe aru Tupana miꞌaira Morekuat no yi tote.
Kat hap koꞌi asom Tupana miꞌaira Morekuat tunug̃ hamuat.
Kat pote asom poꞌog̃ waku torānia kai waku watiꞌaira Tupana Aiporekuat no hap.