¡Nutsʼkʼe soo ri mimi kja ne xoñijomꞹ me ri mⱥjⱥ texe yo paa!

Ne xiskuama o tsjaji ngekʼua ra mboxkʼꞹ ri pjechi kjo ngeje kʼꞹ o dyⱥtrʼⱥ ne xoñijomꞹ ñe texe yo bʼꞹbʼꞹba. Ri pa̱ra̱ kʼꞹ e Mizhokjimi kʼꞹ o dyⱥtrʼⱥ ne xoñijomꞹ pɇsʼi in chju̱u̱, nuba ra jitsʼiji pjenga o dyⱥtrʼⱥ yo ntee ñe jarga soo ri mimi kja ne xoñijomꞹ texe yo paa.

Ri tebʼegojme kʼe texe yo kuatrʼꞹba kja ne xiskuama ra mboxkʼꞹ, ngekʼua ri tendio na joo texe kʼo a ro xitsʼijme. Kja ne xiskuama ri totrʼꞹ yo texto, ri jyodʼꞹ kja in Biblia ngekʼua ri pjechi na joo. Kja ne Biblia ri xorꞹ kʼo na joo kʼo mama e Mizhokjimi kʼꞹ ra tsjaa kja ne xoñijomꞹ, ñe kʼo mama e Mizhokjimi kʼꞹ ri tsjaa ngekʼua ri bʼꞹnkʼe nu, ra dyakʼꞹ kʼo na joo.

Ma gi nee ri pjosʼꞹ yo ntee soo ri tsjage ko ne xiskuama. Ma i̱ pɇsʼi chʼii soo ri xorꞹji ne xiskuama, ngekʼua ra pa̱ra̱ji e Mizhokjimi. Ma nuja i̱ menzumꞹge nga̱ra̱ji ntee kʼo dya pjechi ra xorꞹ, soo ri jizhi kʼo kuatrʼꞹ kja ne xiskuama, ngekʼua ra pjechiji pje ra tsjaa e Mizhokjimi kja ne xoñijomꞹ, akjanu angezeji xi ra pjosʼꞹ in minteji.

Ri tebʼegojme ko texe in mꞹnkʼoji kʼꞹ ma ri xorꞹ ne xiskuama ri nuu na joo pje ri tsjaa ngekʼua e Mizhokjimi ra mboxkʼꞹ, ko ne xiskuama soo ri jizhi yo ntee pje ra tsjaji ngekʼua ra mimiji texe yo paa kja ne xoñijomꞹ.