E Mizhokjimi o nguarꞹ texe yo ntee kʼo mi sʼonte

18 Yo chʼii e Adán o ii na punkjꞹ kʼo, dya mi jonteji, ngekʼua e Jehová o mama kʼꞹ ro nguarꞹ ko texe yo sʼonte (Génesis 6:1, 5, 7).

19 Mi bʼꞹbʼꞹ da ntee kʼꞹ me ma jonte mi chju̱u̱ e Noé (Génesis 6:8, 9).

E Mizhokjimi Jehová o xipji e Noé kʼꞹ ro jyⱥbʼⱥ da trʼabʼꞹꞹ nzakja da kaja ngekʼua ro ngichi amboo angeze, in suu, in chʼiji ñe in kjoji ngekʼua dya ro nrru̱ji ma e Jehová ro nguarꞹ yo mi sʼonte (Hebreos 11:7).

20 Angezeji o tsjopkʼꞹji amboo kja ne trʼabʼꞹꞹ na punkjꞹ añimale (Génesis 6:19-21).

21 E Jehová o tsjaa kʼꞹ ro ñeje na trʼadyɇbʼɇ, texe yo sʼonte o nrru̱ji. Yo mi bʼꞹbʼꞹ amboo kja ne trʼabʼꞹꞹ dya o nrru̱ji. ¿Gi pa̱ra̱ pjenga? (1 Pedro 3:10-12; 2 Pedro 2:5.)