E Jehová o peñe in chʼii ngekʼua ra mboxkʼoji

29 Ne anxe kʼꞹ otrʼꞹ o dyⱥtrʼⱥ e Mizhokjimi ngeje in chʼii, in tsja angeze nu chʼii kʼꞹ otrʼꞹ.

E Mizhokjimi me sʼiya in chʼii, ra tsjaa kʼꞹ in chʼii ra nguarꞹ texe yo na sʼonte ñe ra mbosʼꞹ yo ntee kʼꞹ ⱥtⱥji e Mizhokjimi (Juan 3:16, 36).

30 E Jehová o peñe in chʼii kja ne xoñijomꞹ. E María o musꞹ in chʼii e Mizhokjimi o jñuspꞹ e Jesús (Lucas 1:30-35).

31 Ma o tee e Jesús, texe kʼo mi jizhi mi ngeje me na joo, o jizhi kʼꞹ ngextrjo e Jehová ngeje e Mizhokjimi kʼꞹ na kjuana (Marcos 12:29, 30).

E Jesús o mama kʼꞹ ngextrjo ra matrʼꞹjme e Mizhokjimi Jehová (Mateo 4:10; Juan 4:23, 24).

E Jesús o jizhi yo ntee kʼꞹ e Jehová ra manda kja ne xoñijomꞹ (Lucas 17:20, 21).

32 E Jesús mi jokꞹ kʼo mi sodye, o tsjaa kʼo me ma joo. Angeze dya o tsjaa kʼo ma sʼoo (Hechos 10:38; 1 Pedro 2:21, 22).

¿Pje o tsjaa e Jesús ngekʼua dya kja ra pɇsʼiji pekado ñe dya kja ra tꞹji?

33 Angeze o unꞹ in bida e Mizhokjimi ngekʼua ra mbosʼꞹ yo jonte. Mi jingua ma yo ntee mi kjaji kʼo na sʼoo, e Mizhokjimi mi xipjiji kʼꞹ ro mbotrʼꞹji añimale ñe ro mbⱥspⱥji angeze (Hebreos 7:25, 27).

34 E Jesús dya o mbⱥspⱥ añimale e Jehová, o unꞹtsʼe o nrru̱u̱ por nutsʼkʼoji (Mateo 20:28; Hebreos 10:12).

¿Gi pa̱ra̱ pjenga go tsjaa akjanu?