Samu

Mwaso wa Baka-kukanduka.

130 Obe Yehova, njitambeka kuli yobe ha simbu injinombwa manene.

2 Obe Yehova, ziba lijwi lyange.

Matwi obe atolilile mwamubwa ku kulambelela kwange kwa kulomba bukwasi.

3 Obe Jah,* ngwe ukatondesesa* milonga ya banu,

Ngwe iya emana ku mesho obe, obe Yehova?

4 Mwafwa yobe ukakonekela mu busunga

Mangana bakuzibile lyoba.

5 Njinalabelela kuli Yehova. Mwonyo* wange woshe unalabelela ikeye.

Njibandamena lijwi lyendi.

6 Njibandamena Yehova na mbunge yange yoshe,

Kutubakana baka-kunyunga mubakabandamena ngwabo kukye,

Eyo, kutubakana baka-kunyunga mubakabandamena ngwabo kukye.

7 Isalele atwaleleleho kubandamena Yehova

Mwafwa Yehova wakala na cizemo cije kucesi kutenguluka,

Co wakala na nzili yakama manene ya kupatula.

8 Apatula Isalele ku milonga yendi yoshe.