Samu

Mwaso wa Devidi.

15 Obe Yehova, iya asa kupwa mungenzi mu tenti yobe?

Iya asa kukala ha munkinda wobe wa kujela?

2 Munu uje enda mu kulongwa,*

Uje alinga byabibwa simbu yoshe

Na kwendeka busunga mu mbunge yendi.

3 Kesi kubiisa bakwabo mazina na ndaka yendi,

Kesi kulinga bakwabo mwamubi,

Co kesi kushaula* babusamba bendi.

4 Akabyana munu woshe wamubi,

Oloni akasingimika baje bazibila Yehova lyoba.

Kesi kutengulula cikulaheso cendi, nameme byuma kubimwendela mwamubwa.

5 Kesi kukongwesa bimbongo byendi mangana bamwaneneho bimbongo bya helu,

Co lalo kesi kutambula lizika-kanwa mangana alinge mwamubi munu wa kujeneka mulonga.

Woshe alinga ebi byuma kubakamuningangesa.*