Samu

2 Bika bibanalubalela baka-mafuti,

Co banu bali na kuningitila* bika ha byuma byangoco?

 2 Bimyene ba hasi banemana,

Co bamyata bakama banalikungulula*

Mangana balwise Yehova na kulwisa wakubwabesa* wendi.

 3 Bali na kwendeka ngwabo: “Tubatuleni malyenge abo

Na kumbila kuti mikole yabo.”

 4 Uje ali ha litanda mwilu akabajola,

Yehova akabashendumuna.

 5 Ha simbu oyo akendeka nabo oku nalubala,

Co akabajujwisa oku nalubala manene,

 6 Akendeka ngwendi: “Yange babenya njinaka mwene yange

Ha Siyone, munkinda wange wa kujela.”

 7 Tahi njambulule byanashiki Yehova,

Nanjileke ngwendi: “Yobe u munange,

Lelo njinapu nji isho.

 8 Njilombe, co njikwana baka-mafuti kupwa buswana bwobe,

Na kukwana lifuti-libu lyoshe kupwa bufuko bwobe.

 9 Ukabapokozola na mulamu wa cikubo,

Na kubatika ngwe ndeho ya buma.”

11 Pangeleni Yehova na lyoba,

Co bwaheleleni oku mumujaja.

12 Singimikeni* mwana, keti ngoconi Njambi alubala,

Co munyonga na kutunda mu ngila,

Mwafwa akalubala bwasi.