Kuvwethzelela ku Vutongwe Vwetu Vwa mu Lihya Kukwatha Vatukalilongetha Navo Mbimbiliya Valikundike na Kuvambwitika

VICHAPWILA CHA THEHO: Vanu vatukalilongetha navo Mbimbiliya vanapande kukundika vuyoye vwavo kuli Yehova na kuvambwitika mangana vamuthzivithe kuvwaha. (1Pe 3:21) Nga vatwalelelaho kuyoya na kulitombola mu kulikundika kwavo, cho echi chivanyungilila ku sipilitu. (Mya 91:1, 2) Muka-Kilisitu woshe napande kulikundika kuli Yehova, kethi ku munu, ku chipangi nambe ku munga embwe. Ngechi, vaje vatukalilongetha navo Mbimbiliya vanapande kumwetha chithzemo na chikandelela kuli Njambi.—Lom 14:7, 8.

MWAKULINGILA:

• Ha thimbu ya kulilongetha, thimutwiyeni viyimwetha oyo ñanda hali Yehova. Shongangeyeni imukalilongetha nendi atande Mbimbiliya tangwa na tangwa na kulombela “thimbu yoshe” kuli Yehova.—1Te 5:17; Yak 4:8

• Shongangeyeni imukalilongetha nendi Mbimbiliya alyakele chilengo cha ku sipilitu cha kulikundika na chimbwitiko. Mukwatheni lalo alyakele vilengo vikwavo vya kufwa ngwe kukumbulula ku viwano, kwambulwila vatunga navo nambe vakwavo vakapanga navo. Anukeni ngweni Yehova kethi kuthindiya munu kumupangela. Munu napande kulyangwila ikeye vavenya kulikundika kuli Njambi.—Kwi 30:19, 20

• Takametheni imukalilongetha nendi Mbimbiliya atenguluke mangana athzivithe Yehova kuvwaha ku mbunge na kumumbwitika. (Vit 27:11) Munapande kutwalelelaho kukwatha munu imukalilongetha nendi Mbimbiliya ombile kuti vunu vwendi vwalaja na kuthzala vunu vwavuha mwafwa tulingolingo na vifwa vimo vikambata thimbu yalaha mangana vitunde ku munu. (Efe 4:22-24) Lilongetheni nendi viñanda vya mu Kaposhi ka Kukengela vije vili ha mutwe wa “Mbimbiliya Ikatengulula Kuyoya Kwa Vanu”

• Mulekeni kujolela chimunawana mu kupangela Yehova.—Isa 48:17, 18