Kwatheni Vana Veni Vakulahele Manene Ishamatanga

Vyuma vyanatanga Yehova vyambulula vumpau vwendi. (Mya 19:1-4; 139:14) Oloni kaye ka Liyavolo kakashongangeya vanu vakulahele ngwavo vyuma vyalithzilile ngocho. (Lom 1:18-25) Mwatha kwonowetha vati vithinganyeka vya chifwa echi kuthzama mu vimbunge vya vana veni? Vakwatheni oku vachili vavandondo vathzivuke ngwavo Yehova kwali, cho lalo wavaka mbunge. (2Ko 10:4, 5; Efe 6:16) Tunditheni vithinganyeka vivanalilongetha ku sikola, cho pangetheni vinoma vyakulithethzathethza mangana mu vete ku vimbunge vyavo.—Vit 20:5; Yak 1:19.

KENGENI VINDIYO YA VIVAKENDEKA VAKWENI VANIKE—KUKULAHELA NJAMBI, CHO THIMUTWIYENI HA VIHULA VINAKAVANGEYAHO:

• Viñanda muka vivakendeka vanu vavangi kutaletha kukulahela Njambi?

• Vika vimukalilongetha ku sikola?

• Vika vinamilingitha mukulahele ngweni Yehova kwali?

• Mwatha kukwatha vati mukweni athzivuke ngwendi Njambi ikeye watangele vyuma vyoshe?