Pangetheni Vwino Mavulu Etu

Yesu walongethele ngwendi: “Yeni munavitambula vya ngocho kujeneka kufweta, ngechi vene, neni lalo aneni ngocho kujeneka kutambulako chimo.” (Mat 10:8) Tukavangeya echi kunangula nga twana mikanda ku vanu kujeneka kuvafwetetha. (2Ko 2:17) Oloni mu mavulu omu muli vuthunga vwa mu Lijwi lya Njambi. Cho lalo vimbongo vyavingi vikaiho na ndthzili mangana vathoneke na kutwala mavulu ku vikungulukilo vyoshe vili mu kaye. Ngechi tunapande kwambata lika anapumo.

Tunapande kumona ngwetu veya vatwana mavulu omwo twambulwila ku mbunga nambe ku myela ikwavo. (Mat 7:6) Kutwapandele kwana lika ngocho ku munu woshe woshe, oloni tunapande kumona ngwetu twana uje navwahelela. Vati, mwatha kukumbulula ngweni eyo ku vihula vili mu chipalo ndi? Nga kumuthzivuka vwino indi atonda kutambula livulu, cho mwaneni tilakiti. Nga amilomba mangazini nambe livulu lyeka mwatha kumwana.—Vit 3:27, 28.