Mwakulahela Manene Vikulahetho vya Yehova Ndi?

Yoshwa na Solomoni vamwene ngwavo na vimo vyahi ku vikulahetho vya Yehova vyonwene kulishulithilila. (Yos 23:14; 1 Vim 8:56) Majwi ava vakaleho vavali, atakametha likulahelo lyetu.—2Ko 13:1; Tit 1:2.

Yehova washulithilile vati vikulahetho vyendi mu matangwa a Yoshwa? Kengeni na nanga yeni vindiyo ya “Kukwethi Chimo Chinonwa Chahi.” Cho kutundoho, thimutwiyeni hali evi vihula: (1) Twatha kutembwinina vati likulahelo lya Lahave? (Hev 11:31; Yak 2:24-26) (2) Mwanja wa Akane utukwatha vati kumona ngwawo kulinga vuvi vwa kulishakethela kukanene vukalu? (3) Vika vyalingithile Vangimbiyone vakwithe Yoshwa mu kushaka kukala mu kwoloka na Vaisalele nameme ngwavo vathzivukile kulwa? (4) Vyendekele Yehova vyalishulithilile vati omwo vimyene va va Amoli vatanu vatewethele Vaisalele? (Yos 10:5-14) (5) Yehova namikwatha mu vingila muka omwo ya kutwameka Vumwene vwa Njambi na vuthunga vwendi mu vuyoye vweni?—Mat 6:33.

Omwo tuthinganyeka ha vyuma vyanatulingila Yehova, likulahelo lyetu mu vikulahetho vyendi likanyama.—Lom 8:31, 32.